ഇന്ന് ഐ എസ് എല്ലിൽ കൊച്ചിയിലെ ജവഹർലാൽ നെഹ്‌റു സ്റ്റേഡിയത്തിൽ വെച്ച് മുംബൈ സിറ്റി എഫ്‌സി കേരള ബ്ലാസ്റ്റേഴ്സ് എഫ്‌സിയെ നേരിടും. നിലവിൽ ലീഗ് മത്സരങ്ങൾ പൂർത്തിയാക്കിയ ഒഡീഷ എഫ്‌സിയുമായി 33 പോയിൻ്റുമായി ഒപ്പത്തിനൊപ്പമാണ് മുംബൈ സിറ്റിക്ക് ഇപ്പോൾ ഉള്ളത്. ആദ്യ ആറിൽ ഇടം ഉറപ്പിക്കാൻ അവർക്ക് ഒരു പോയിൻ്റ് മാത്രം മതി. രണ്ട് കളികൾ ശേഷിക്കെ, മുംബൈ സിറ്റി എഫ്‌സിക്ക് പ്ലേ ഓഫ് ഉറപ്പിക്കാൻ ആകുമെന്നാണ് അവരുടെ ആരാധാകർ വിശ്വസിക്കുന്നത്.
അതേസമയം കേരള ബ്ലാസ്റ്റേഴ്സ് എഫ്‌സിയുടെ പ്ലേ ഓഫ് പ്രതീക്ഷകൾ നേരത്തെ അവസാനിച്ചതാണ്. 22 മത്സരങ്ങളിൽ നിന്ന് 25 പോയിൻ്റുമായി ബ്ലാസ്റ്റേഴ്സ് ഒമ്പതാം സ്ഥാനത്താണ്.
ഈ സീസണിൻ്റെ തുടക്കത്തിലെ റിവേഴ്‌സ് ഫിക്‌ചറിൽ, മുംബൈ സിറ്റി എഫ്‌സി കേരള ബ്ലാസ്റ്റേഴ്സ് എഫ്‌സിയെ 4-2 ന് പരാജയപ്പെടുത്തിയിരുന്നു. കേരള ബ്ലാസ്റ്റേഴ്സ് നിരയിൽ ഇന്ന് ജീസസ് ജിമനസ് ഉണ്ടാകില്ല. നോഹ സ്ക്വാഡിൽ തിരികെയെത്തും എന്ന് പ്രതീക്ഷിക്കപെടുന്നു.
