കേരള ബ്ലാസ്റ്റേഴ്സിന് വൻ തിരിച്ചടി. അവരുടെ സെന്റർ ബാക്കായ മിലോ ഡ്രിഞ്ചിച് മൂന്ന് മത്സരങ്ങളിൽ വിലക്ക്. മുംബൈ സിറ്റിക്ക് എതിരായ മത്സരത്തിന്റെ അവസാന നിമിഷങ്ങളിൽ മിലോസ് ചുവപ്പ് കാർഡ് കണ്ടിരുന്നു. നേരിട്ടുള്ള ചുവപ്പ് കാർഡ് ആയതു കൊണ്ട് മൂന്ന് മത്സരങ്ങളിൽ താരത്തെ വിലക്കാൻ എ ഐ എഫ് എഫ് അച്ചടക്ക കമ്മിറ്റി തീരുമാനിച്ചു.
നോർത്ത് ഈസ്റ്റ് യുണൈറ്റഡ്, ഒഡീഷ എഫ് സി, ഈസ്റ്റ് ബംഗാൾ എന്നിവർക്ക് എതിരായ മത്സരങ്ങൾ ആകും മിലോസിന് നഷ്ടമാവുക. മുംബൈ സിറ്റിയുടെ താരമായ വാൻ നെയ്ഫിനും മൂന്ന് മത്സരത്തിൽ വിലക്കുണ്ട്. ബ്ലാസ്റ്റേഴ്സിന്റെ മറ്റൊരു ഡിഫൻഡർ ആയ ലെസ്കോവിച് പരിക്ക് കാരണം പുറത്താണ്. ഇതോടെ ബ്ലാസ്റ്റേഴ്സ് അടുത്ത മത്സരളിൽ തീർത്തും ഇന്ത്യൻ ഡിഫൻസുമായാകും ഇറങ്ങുക. ബ്ലാസ്റ്റേഴ്സിന്റെ ലീഗിലെ ആദ്യ മൂന്ന് മത്സരങ്ങളിൽ മിലോസ് മികച്ച പ്രകടനം ഡിഫൻസിൽ കാഴ്ചവെച്ചിരുന്നു.
