ഈ സീസണിൽ കേരള ബ്ലാസ്റ്റേഴ്സ് പ്ലേ ഓഫിൽ ഉണ്ടാകും എന്ന് പ്രതീക്ഷ പ്രകടിപ്പിച്ച് പരിശീലകൻ ഇവാൻ വുകമാനോവിച്. ഐ‌എസ്‌എൽ കാമ്പെയ്‌ൻ ആരംഭിക്കുമ്പോഴെല്ലാം എല്ലാ ടീമുകളും ഏറ്റവും മുകളിൽ എത്താൻ ആണ് ആഗ്രഹിക്കുന്നത്. ഞങ്ങളുടെ കഴിഞ്ഞ സീസണിലെ നേട്ടങ്ങൾ നോക്കുമ്പോൾ ഞങ്ങളുടെ ടീം പ്ലേ ഓഫിലെ ആദ്യ ആറിൽ ഇടംപിടിക്കണമെന്ന് ഞങ്ങൾ ആഗ്രഹിക്കുന്നുണ്ട്. ഇവാൻ പറഞ്ഞു
കഴിഞ്ഞ വർഷം ഞങ്ങൾ ഫൈനലിൽ എത്തുമെന്ന് ആരും പ്രതീക്ഷിച്ചിരുന്നില്ല, ഈ വർഷം ഞങ്ങളുടെ ടീം ചില മാറ്റങ്ങളിലൂടെ കടന്നുപോയി. ഇനി ടീം സ്ഥിരത പുലർത്തേണ്ടതുണ്ട്. കേരള ബ്ലാസ്റ്റേഴ്സ് എഫ്‌സിക്ക് പ്ലേഓഫിൽ എത്താൻ ആകും. അത് ഞങ്ങളുടെ ക്ലബ്ബിന്റെയും ആരാധകരുടെയും ലക്ഷ്യമാണ്. ഞങ്ങൾ അത് അർഹിക്കുന്നുമുണ്ട്‌. ഇവാൻ ഇന്നലെ മത്സര ശേഷം പറഞ്ഞു.
