കേരള ബ്ലാസ്റ്റേഴ്സ് പുതിയ ഗോൾ കീപ്പറെ സ്വന്തമാക്കി. പഞ്ചാബി ഗോൾ കീപ്പറായ കമൽജിത് സിംഗ് ആണ് കേരള ബ്ലാസ്റ്റേഴ്സിലേക്ക് എത്തുന്നത്. താരത്തെ ഒഡീഷ എഫ് സിയിൽ നിന്ന് ലോണിൽ ആണ് കേരള ബ്ലാസ്റ്റേഴ്സ് ഇപ്പോൾ സൈൻ ചെയ്തിരിക്കുന്നത്. താരത്തിനായി ബ്ലാസ്റ്റേഴ്സ് ഒരു ലോൺ ഫീ നൽകും.
ഈ സീസൺ തുടക്കത്തിൽ ആയിരുന്നു താരം വീണ്ടും ഒഡീഷയിൽ എത്തിയത്‌. അതിനു മുമ്പ് ഈസ്റ്റ് ബംഗാളിൽ ആയിരുന്നു.
മുമ്പ് 2020 സീസൺ തുടക്കം മുതൽ 2 വർഷം കമൽജിത് ഒഡീഷയിൽ ആയിരുന്നു. ഐ എസ് എല്ലിൽ ഇതുവരെ 60ൽ അധികം മത്സരങ്ങൾ താരം കളിച്ചിട്ടുണ്ട്. മുമ്പ് ഐ ലീഗിൽ മിനേർവ എഫ്സിയുടെ താരമായിരുന്ന കമൽജിത്. സ്പോർട്ടിങ് ഗോവയുടെയും വല കാത്തിട്ടുണ്ട്.
