കേരള ബ്ലാസ്റ്റേഴ്സ് ക്യാപ്റ്റൻ ജെസ്സൽ ഇനി ടീമിനൊപ്പം ഇല്ല. താരം സൂപ്പർ കപ്പ് സ്ക്വാഡിൽ നിന്ന് പരിക്ക് മാറം പിന്മാറിയിരിക്കുകയാണ്. ഈ സീസൺ കഴിഞ്ഞാൽ ജെസ്സൽ ബ്ലാസ്റ്റേഴ്സ് വിടുകയാണ് എന്ന് ഉറപ്പായിരുന്നു. ഇതോടെ ജെസ്സൽ ക്ലബിനായുള്ള തന്റെ അവസാന മത്സരം കളിച്ചു കഴിഞ്ഞു. ജെസ്സലും ഖാബ്രയും ക്ലബിൽ കരാർ പുതുക്കില്ല. നിശു കുമാറും ക്ലബ് വിടും എന്നാണ് സൂചന. അടുത്ത സീസണിൽ ബ്ലാസ്റ്റേഴ്സ് രണ്ടിലധികം ഫുൾബാക്സിനെ കൊണ്ടു വരേണ്ടി വരും.
ലെഫ്റ്റ് ബാക്കായ ജെസ്സൽ ഈ സീസണിൽ 19 മത്സരങ്ങൾ ബ്ലാസ്റ്റേഴ്സിനായി കളിച്ചിട്ടുണ്ട്. അവസാന രണ്ടു സീസണിലും കേരള ബ്ലാസ്റ്റേഴ്സിന്റെ ക്യാപ്റ്റൻ ആം ബാൻഡ് താരം ആയിരുന്നു അണിഞ്ഞിരുന്നത്. നാലു വർഷം മുമ്പ് കേരള ബ്ലാസ്റ്റേഴ്സിൽ എത്തിയ ജെസ്സൽ ആകെ 63 മത്സരങ്ങൾ ബ്ലാസ്റ്റേഴ്സിനായി ഐ എസ് എല്ലിൽ കളിച്ചിരുന്നു. ജെസ്സലും ലൂണയും ഇല്ലാത്ത സാഹചര്യത്തിൽ ആരാകും ബ്ലാസ്റ്റേഴ്സിനെ നയിക്കുക എന്ന് കണ്ടറിയേണ്ടി വരും.
