കേരള ബ്ലാസ്റ്റേഴ്സിനൊപ്പം ഈ സീസണിൽ കിരീടം നേടാൻ ആകും എന്ന് പ്രതീക്ഷിക്കുന്നതായി കേരള ബ്ലാസ്റ്റേഴ്സ് മധ്യനിര താരം ജീക്സൺ. കിരീടം നേടാനായി കേരള ബ്ലാസ്റ്റേഴ്സിൽ നിന്ന് ചില താരങ്ങൾ ക്ലബ് വിട്ടല്ലോ എന്ന ചോദ്യത്തിന് മറുപടി പറയുകയായിരുന്നു ജീക്സൺ. അങ്ങനെ മറ്റുള്ളവർ ക്ലബ് വിടുന്നതിൽ തെറ്റ് കാണുന്നില്ല എന്നു പറഞ്ഞ ജീക്സൺ താൻ എവിടെയാണോ കളിക്കുന്നത് അവിടെ കിരീടം നേടാൻ ആണ് ശ്രമിക്കുന്നത് എന്ന് ജീക്സൺ പറഞ്ഞു.
താൻ ദേശീയ ടീമിനായി കളിക്കുമ്പോഴും കേരള ബ്ലാസ്റ്റേഴ്സിനായി കളിക്കുമ്പോഴും കിരീടം നേടാൻ തന്നെയാണ് ശ്രമിക്കാറ്. ദേശീയ ടീമിനൊപ്പം താൻ കിരീടം നേടിയിട്ടുണ്ട്. നിർഭാഗ്യവശാൽ ബ്ലാസ്റ്റേഴ്സിനൊപ്പം കിരീടം നേടാൻ ആയിട്ടില്ല. ഈ സീസണിൽ ആ കാത്തിരിപ്പ് അവസാനിപ്പിക്കാൻ ആകും എന്നും ബ്ലാസ്റ്റേഴ്സിനൊപ്പം കിരീടം നേടാൻ കഴിയും എന്നും വിശ്വസിക്കുന്നതായി ജീക്സൺ പറഞ്ഞു.
