ജയേഷ് റാണയെ മുംബൈ സിറ്റി സ്വന്തമാക്കി

ബെംഗളൂരു എഫ് സി താരമായിരുന്ന ജയേഷ് റാണ മുംബൈ സിറ്റി എഫ് സിയിൽ ചേർന്നു. താരം ലോൺ കരാറിൽ ആണ് മുംബൈ സിറ്റിയിൽ എത്തുന്നത്. ഈ സീസൺ അവസാനം വരെ താരം മുംബൈയിൽ ഉണ്ടാകും. ഇതു സംബന്ധിച്ച ഔദ്യോഗിക പ്രഖ്യാപനവും എത്തി. അവസാന രണ്ടു സീസണുകളിലായി ബെംഗളൂരു താരമായിരുന്നു ജയേഷ്.

ഈ കഴിഞ്ഞ സീസണിൽ 9 മത്സരങ്ങൾ മാത്രമെ ജയേഷ് കളിച്ചിരുന്നുള്ളൂ. ബെംഗളൂരുവിൽ എത്തും മുമ്പ് ജയേഷ് മോഹൻ ബഗാൻ താരമായിരുന്നു. അതിനു മുമ്പ് ഐസോളിലും താരം കളിച്ചു. ഇതുവരെ ഐ എസ് എല്ലിൽ 103 മത്സരങ്ങൾ കളിച്ചിട്ടുണ്ട്. 5 ഗോളുകളും 8 അസിസ്റ്റും മധ്യനിര താരം സംഭാവന ചെയ്തു. ചെന്നൈയിൻ എഫ് സിക്കായും മുമ്പ് ഐ എസ് എല്ലിൽ ജയേഷ് കളിച്ചിട്ടുണ്ട്.