ഐഎസ്എല്ലിൽ വമ്പൻ ജയവുമായി എഫ്സി ഗോവ. എതിരില്ലാത്ത മൂന്ന് ഗോളുകൾക്കാണ് എഫ്സി ഗോവ ജെംഷദ്പൂരിനെ പരാജയപ്പെടുത്തിയത്. എഫ്സി ഗോവക്ക് വേണ്ടി ഐകർ ഗൊയ്ചരേന, നോഹ സദോയി, ബ്രൈസൺ ഫെർണാണ്ടസ് എന്നിവരാണ് എഫ്സി ഗോവക്ക് വേണ്ടി ഗോളടിച്ചത്. ഈ ജയത്തോട് കൂടി പോയന്റ് നിലയിൽ രണ്ടാം സ്ഥാനത്തെത്താൻ എഫ്സി ഗോവക്കായി.
കളിയുടെ രണ്ടാം മിനുട്ടിൽ തന്നെ ഗോളടിച്ച് ഫട്രോഡയിലെ തങ്ങളുടെ ആധിപത്യം വിളിച്ചോതി എഫ്സി ഗോവ. പത്ത് മിനുട്ടുകൾക്ക് ശേഷം വീണ്ടും ഗോവ ഗോളടിച്ചു. പന്ത്രണ്ടാം മിനുട്ടിൽ നോവ സദോയിലൂടെ ഗോവ വീണ്ടും സ്കോർ ചെയ്തു. പിന്നീട് ജെംഷദ്പൂരിനെ മെരുക്കുന്ന ഗോവൻ പ്രകടമായിരുന്നു കണ്ടത്. എന്നാൽ രണ്ടാം പകുതിയിൽ മികച്ച പ്രകടനവുമായി ജെംഷദ്പൂർ കളത്തിലിറങ്ങി. എങ്കിലും ഇഞ്ചുറി ടൈമിൽ ഹോം ഗ്രൗണ്ടിലെ ആരാധകരെ ആവേശത്തിലാക്കി ബ്രൈസൺ ലീഡ് മൂന്നാക്കി ഉയർത്തി. നിലവിൽ ഗോവ ലീഗിലെ പോയന്റ് നിലയിൽ രണ്ടാമതും ജെംഷദ്പൂർ എട്ടാമതുമാണ്.
