ഇന്ത്യൻ സൂപ്പർ ലീഗിൽ ഹൈദരാബാദ് എഫ് സിക്ക് ഒരു പരാജയം കൂടെ. ഇന്ന് മോഹൻ ബഗാനോടാണ് ഹൈദരാബാദ് എഫ് സി പരാജയപ്പെട്ടത്. എതിരില്ലാത്ത രണ്ടു ഗോളുകൾക്കാണ് മോഹൻ ബഗാൻ വിജയിച്ചത്. 12ആം മിനുട്ടിൽ അനിരുദ്ധ് താപ ആണ് ബഗാന് ലീഡ് നൽകിയത്. ആദ്യ പകുതിയുടെ അവസാനം കമ്മിങ്സിലൂടെ അവർ രണ്ടാം ഗോളും നേടി.
ഹൈദരാബാദിന് ഇന്നും കാര്യമായി അവസരങ്ങൾ സൃഷ്ടിക്കാൻ ആയില്ല. സീസണിലെ അവരുടെ പത്താം പരാജയമാണിത്. ഒരു മത്സരം പോലും ഈ സീസണിൽ വിജയിച്ചിട്ടില്ല. മോഹൻ ബഗാൻ ഈ ജയത്തോടെ 12 മത്സരങ്ങളിൽ നിന്ന് 23 പോയിന്റുമായി നാലാം സ്ഥാനത്ത് എത്തി
