ഇന്നലെ ഇന്ത്യൻ ടീം പ്രഖ്യാപിച്ചപ്പോൾ ഹോർമിപാമിനും പൂട്ടിയക്കും അവസരം ലഭിച്ചിരുന്നില്ല. ഇതിൽ തനിക് അഭിപ്രായം ഇല്ല എന്നും അത് ഇന്ത്യൻ കോച്ചിന്റെയും ഫെഡറേഷന്റെയും തീരുമാനം ആണെന്നും ഇവാൻ പറഞ്ഞു. പൂട്ടിയയുടെയും ഹോർമിപാമിന്റെയും പ്രകടനത്തിൽ ഞങ്ങൾ സന്തോഷവാന്മാരാണ്. അവർ ഈ സീസണിൽ ഒരുപാട് മെച്ചപ്പെട്ടു എന്നും ഇവാൻ പറഞ്ഞു.
ഇന്ത്യൻ ടീമിലേക്ക് അവർ എത്തുന്നതിൽ എനിക്ക് ഒരു സ്വാധീനവും ചെലുത്താൻ ആകില്ല. ഇരുവരും കൂടുതൽ പരിശ്രമിക്കണം. പരിശ്രമം തുടരണം. അപ്പോൾ ഫെഡറേഷന് നിങ്ങളെ തിരഞ്ഞെടുക്കാതെ വഴി ഉണ്ടാകില്ല എന്നും ഇവാൻ പറഞ്ഞു.
