കോറോ എഫ് സി ഗോവയിൽ തന്നെ തുടരും, പുതിയ കരാർ ഒപ്പുവെക്കും

- Advertisement -

അവസാന മൂന്ന് സീസണുകളിലും എഫ് സി ഗോവയുടെ വിശ്വസ്തനായിരുന്ന സ്ട്രൈക്കർ കോറോ അടുത്ത സീസണിലും ഗോവയ്ക്ക് ഒപ്പം ഉണ്ടാകും. കോറോയും എഫ് സി ഗോവയും തമ്മിൽ കരാർ ധാരണയിൽ എത്തിയതായാണ് റിപ്പോർട്ടുകൾ. താരത്തെ ഐ എസ് എല്ലിലെ അവസാന സീസണായിരിക്കും ഇതെന്നും റിപ്പോർട്ടുകൾ ഉണ്ട്. 37കാരനായ കോറോ ഈ വരുന്ന സീസൺ അവസാനത്തോടെ ഫുട്ബോളിൽ നിന്ന് വിരമിക്കാൻ ആണ് ഉദ്ദേശിക്കുന്നത്.

കോറോയെ മുംബൈ സിറ്റിയിൽ എത്തിക്കാൻ മുൻ ഗോവ പരിശീലകൻ സെർജിയോ ലൊബേര ശ്രമിക്കുന്നുണ്ട്. ആ ശ്രമം ഫലം കാണില്ല എന്ന എഫ് സി ഗോവയുമായി അടുത്ത വൃത്തങ്ങൾ പറയുന്നു. ഇതിനകം ഐ എസ് എല്ലിൽ ഗോവയ്ക്ക് വേണ്ടി 57 മത്സരങ്ങളിൽ നിന്ന് 48 ഗോളുകളും 16 അസിസ്റ്റും കോറോ സംഭാവന ചെയ്തിട്ടുണ്ട്. ഐ എസ് എല്ലിലെ എക്കാലത്തെയും മികച്ച ഗോളടിക്കാരൻ ആണ് കോറോ‌.

Advertisement