എഫ്സി ഗോവ പുതിയ ഐ എസ് എൽ സീസണ് മുന്നോടിയായി സ്പാനിഷ് ഫോർവേഡ് കാർലോസ് മാർട്ടിനസിനെ സ്വന്തമാക്കുന്നു. 36കാരനായ താരം ഒരു വർഷത്തെ കരാറിൽ ആകും ഇന്ത്യയിലേക്ക് എത്തുന്നത് എന്ന് IFTWC റിപ്പോർട്ട് ചെയ്യുന്നു. ലാ ലിഗ2ൽ എഫ്സി അൻഡോറയ്ക്കൊപ്പം ആയിരുന്നു താരം അവസാന സീസണുകളിൽ കളിച്ചിരുന്നത്. ഈ കഴിഞ്ഞ സീസണിൽ 35മത്സരങ്ങളിൽ നിന്ന് 9 ഗോളുകൾ നേടാൻ മാർട്ടിനെസിന് ആയിരുന്നു.
മുമ്പ് ജപ്പാൻ ക്ലബായ ടോക്കിയോ വെർഡിയ്ക്കു വേണ്ടിയും മാർട്ടിനസ് കളിച്ചിട്ടുണ്ട്. സ്പാനിഷ് ക്ലബായ വിയ്യറയലിന്റെ ബി ടീമിനായും, ഹെർക്കുലീസ് എഫ്സിക്കായും താരം മുമ്പ് കളിച്ചിട്ടുണ്ട്. 2019/20 സീസണിന്റെ മധ്യത്തിൽ ആയിരുന്നു അദ്ദേഹം എഫ്സി അൻഡോറയയിൽ എത്തിയത്. ആകെ 357 പ്രൊഫഷണൽ കരിയർ മത്സരങ്ങളിൽ നിന്ന് 123 ഗോളുകളൾ അദ്ദേഹം നേടിയിട്ടുണ്ട്. അതിൽ 95 ഗോളുകളും സ്പെയിനിലെ മൂന്നാം ഡിവിഷനിൽ ആയിരുന്നു.
