ഇന്ത്യൻ സെന്റർ ബാക്ക് സന്ദേശ് ജിങ്കൻ ഇനി പുതിയ ക്ലബിൽ. ജിങ്കനെ എഫ് സി ഗോവയെ സ്വന്തമാക്കിയത്. ബെംഗളൂരു എഫ് സിയുടെ താരം ഫ്രീ ട്രാൻസ്ഫറിൽ ആണ് ഗോവയിലേക്ക് എത്തുന്നത്. അടുത്ത സീസണിൽ ആയിരിക്കും ജിങ്കൻ ഗോവയുടെ ഭാഗമാവുക. ടൈംസ് ഓഫ് ഇന്ത്യ ആണ് ജിങ്കൻ എഫ് സി ഗോവയുമായി കരാഫ് ധാരണയിൽ എത്തിയതായി റിപ്പോർട്ട് ചെയ്യുന്നത്. ബെംഗളൂരു എഫ് സി ജിങ്കന്റെ കരാർ നീട്ടാൻ ചർച്ചകൾ നടത്തി എങ്കിലും ഫലം ഉണ്ടായില്ല.
ഈ സീസണിൽ ബെംഗളൂരു എഫ് സിയെ ഐ എസ് എൽ ഫൈനലിൽ എത്തിക്കുന്നതിൽ നിർണായക പങ്കുവഹിക്കാൻ ജിങ്കനായിരുന്നു. ഈ സീസൺ തുടക്കത്തിൽ എ ടി കെ മോഹൻ ബഗാൻ വിട്ടാണ് ജിങ്കൻ ബെംഗളൂരു എഫ് സിയിൽ എത്തിയത്. സൂപ്പർ കപ്പിലും ജിങ്കൻ ബെംഗളൂരു എഫ് സിക്ക് ഒപ്പം ഫൈനൽ കളിച്ചു
രണ്ട് സീസൺ മുമ്പ് വരെ ജിങ്കൻ കേരള ബ്ലാസ്റ്റേഴ്സിൽ ആയിരുന്നു 30കാരനായ താരം ക്ലബ് വിടാൻ പോകുന്ന അൻവർ അലിയുടെ പകരക്കാരനായാകും ഗോവയിൽ എത്തുക
Story Highlight: FC Goa Signed Sandesh Jhingan
