കേരള ബ്ലാസ്റ്റേഴ്സിന്റെ മുൻ താരം ആയുഷ് അധികാരിയെ ചെന്നൈയിൻ എഫ് സി സൈൻ ചെയ്തു. ക്ലബ് ഇന്ന് ഔദ്യോഗികമായി ഈ ട്രാൻസ്ഫർ പ്രഖ്യാപിച്ചു. ആയുഷ് 3 വർഷത്തെ കരാർ ചെന്നൈയിനിൽ ഒപ്പുവെച്ചു. കഴിഞ്ഞ സീസണിൽ ആയുഷിന് കേരള ബ്ലാസ്റ്റേഴ്സിൽ കാര്യമായ അവസരങ്ങൾ ഒന്നും ലഭിച്ചിരുന്നില്ല. ആകെ ഏഴ് ഐ എസ് എൽ മത്സരങ്ങളിൽ ആണ് ആയുഷ് ഇറങ്ങിയത്. അതും വെറും 132 മിനുട്ടുകൾ മാത്രം. ഇതിനു മുമ്പുള്ള സീസണിൽ ആയുഷ് 17 മത്സരങ്ങൾ ഐ എസ് എല്ലിൽ കളിച്ചിരുന്നു.
ആയുഷ് 2019ൽ ആയിരുന്നു കേരള ബ്ലാസ്റ്റേഴ്സിലെത്തിയത്. 2020ൽ ടീമിനായി സീനിയർ അരങ്ങേറ്റം നടത്തി. അതിനു മുമ്പ് ഒസോണിൽ ആയിരുന്നു. ഇന്ത്യൻ ആരോസിനായും ആയുഷ് കളിച്ചിട്ടുണ്ട്. 22കാരനായ താരത്തിന് ഇനിയും ബ്ലാസ്റ്റേഴ്സിൽ കരാർ ഉണ്ട്. ഐ എസ് എല്ലിലെ പല ക്ലബുകളും ആയുഷിനായി രംഗത്ത് വന്നിട്ടുണ്ടായിരുന്നു എങ്കിലും ചെന്നൈയിൻ ആ യുദ്ധത്തിൽ വിജയിക്കുകയായിരുന്നു. താരം ഇതിനകം തന്നെ ടീമിനൊപ്പം പരിശീലനം ആരംഭിച്ചിട്ടുണ്ട്.
Secured some Midfield Dynamite 💣
Welcome to Chennai, Ayush 🙌 #AllInForChennaiyin #VanakkamAyush pic.twitter.com/ILzlCB43wb
— Chennaiyin F.C. (@ChennaiyinFC) August 6, 2023
