അമ്രീന്ദർ സിംഗ് ഒഡീഷ എഫ് സിയിൽ കരാർ പുതുക്കി. ഒഡീഷയിൽ താരം പുതിയ മൂന്ന് വർഷത്തെ കരാർ സ്വന്തമാക്കിയതായി ക്ലബ് ഔദ്യോഗികമായി പ്രഖ്യാപിച്ചു. കഴിഞ്ഞ സീസൺ തുടക്കത്തിൽ ആയിരുന്നു അമ്രീന്ദർ മോഹൻ ബഗാൻ വിട്ട് ഒഡീഷയിൽ എത്തിയത്. ഈ സീസണിൽ 21 മത്സരങ്ങൾ താരം ഐ എസ് എല്ലിൽ കളിച്ചിരുന്നു.
എ ടി കെയിൽ എത്തും മുമ്പ് 2016 മുതൽ 2021വരെ താരം മുംബൈ സിറ്റിക്ക് വേണ്ടി ആയിരുന്നു കളിച്ചിരുന്നത്. മുമ്പ് ബെംഗളൂരു എഫ് സിക്ക് വേണ്ടിയും അമ്രീന്ദർ കളിച്ചിട്ടുണ്ട്. ഐ എസ് എല്ലിൽ ആകെ 138 മത്സരങ്ങൾ കളിച്ച പരിചയസമ്പത്ത് 29കാരനായ താരത്തിനുണ്ട്.
