കേരള ബ്ലാസ്റ്റേഴ്സിന്റെ ഡിഫൻസീവ് മധ്യനിര താരം അലക്സാണ്ടർ കോഫും ക്ലബ് വിടുന്നു. താരം ഈ ജനുവരി ട്രാൻസ്ഫർ വിൻഡോയിൽ ക്ലബ് വിടൻ ശ്രമിക്കുന്നുണ്ട് എന്ന് മനോരമ റിപ്പോർട്ട് ചെയ്യുന്നു. ഈ സീസൺ തുടക്കത്തിൽ ആയിരുന്നു കോഫ് ബ്ലാസ്റ്റേഴ്സിൽ എത്തിയത്. എന്നാൽ അത്ര നല്ല പ്രകടനം നടത്താൻ കോഫിന് ഇതുവരെ ആയിട്ടില്ല.
ഒരു വർഷത്തെ കരാറാണ് താരം ക്ലബിൽ ഒപ്പുവച്ചിരിക്കുന്നത്. ക്ലബുമായി ചർച്ച ചെയ്ത് ഒരു പരിഹാരത്തിൽ എത്താൻ ആകും എന്ന് കോഫ് കരുതുന്നു. ഫ്രഞ്ച് ലീഗ് 2 ൽ എസ്എം കെയ്‌നിനായാണ് താരം ബ്ലാസ്റ്റേഴ്സിലേക്ക് വരും മുമ്പ് കളിച്ചത്. സെന്റർ ബാക്ക് ആയും ഡിഫെൻസിവ് മിഡ്‌ഫീൽഡറായും അലക്സാണ്ടർ കോഫ് ബ്ലാസ്റ്റേഴ്സിനായി ഇറങ്ങിയിട്ടുണ്ട്.
