കോപ്പ അമേരിക്കയ്ക്ക് മുന്നോടിയായുള്ള സൗഹൃദ മത്സരത്തിൽ ബ്രസീലിന് ജയം. കോപ്പയിലെ ഗസ്റ്റ് ടീമായാ ഖത്തറിനെതിരെയാണ് ഇന്ന് ബ്രസീൽ ജയിച്ചത്. എതിരില്ലാത്ത രണ്ടു ഗോളുകൾക്കായിരുന്നു ടിറ്റെയുടെ ബ്രസീലിയൻ ടീം ഇന്ന് ജയിച്ചത്. മത്സരത്തിന്റെ 16 ആം മിനുട്ടിൽ റിച്ചാളിസണ്ണും 24 ആം മിനുട്ടിൽ ഗബ്രിയേൽ ജീസൂസും ഗോളടിച്ചു.
അതേ സമയം മത്സരത്തിന്റെ തുടക്കത്തിൽ തന്നെ സൂപ്പർ താരം നെയ്മർ പരിക്കേറ്റ് പുറത്ത് പോയത് ബ്രസീലിന് തിരിച്ചടിയായി. പരിക്കുമായി മല്ലിടുന്ന നെയ്മറിന്റെ അഭാവം കോപ്പയിൽ ബ്രസീലിന് തിരിച്ചടിയായേക്കും. ഇന്നത്തെ അനായാസ ജയം കോപ്പയ്ക്കായുള്ള ബ്രസീലിയൻ ടീമിന്റെ ആത്മവിശ്വാസം വർദ്ധിപ്പിക്കും.
