കിംഗ്സ് കപ്പിൽ ഇന്ത്യ ഇന്നലെ പരാജയപ്പെട്ടതിനാൽ ഫൈനലിന് യോഗ്യത നേടാൻ ആയില്ല എങ്കിലും മൂന്നാം സ്ഥാനത്തിനായുള്ള മത്സരം ഇന്ത്യക്ക് ബാക്കിയുണ്ട്. തായ്ലാന്റ് ആകും മൂന്നാം സ്ഥാനത്തിനായുള്ള പോരിൽ ഇന്ത്യയുടെ എതുരാളികൾ. ഇന്നലെ നടന്ന സെമി ഫൈനൽ മത്സരത്തിൽ ഇന്ത്യ കുറാസോവോയോട് പരാജയപ്പെട്ടപ്പോൾ തായ്ലാന്റ് വിയറ്റ്നാമിനോടാണ് പരാജയപ്പെട്ടത്.
ഇന്നലെ എതിരില്ലാത്ത് ഒരു ഗോളിനായിരുന്നു വിയറ്റ്നാം തായ്ലാന്റിനെ തോൽപ്പിച്ചത്. അതും 95ആം മിനുട്ടിൽ പിറന്ന ഗോളിൽ. ഫൈനലിൽ കുറാസാവോയും വിയറ്റ്നാമും തമ്മിൽ ഏറ്റുമുട്ടും. ഇന്ത്യ തായ്ലാന്റ് മത്സരം വരുമ്പോൾ ഈ കഴിഞ്ഞ ഏഷ്യൻ കപ്പിലെ ഇന്ത്യയുടെ ചരിത്ര വിജയം ഫുട്ബോൾ പ്രേമികൾക്ക് വരും. ഏഷ്യൻ കപ്പിൽ 4-1ന്റെ വമ്പൻ വിജയം ഇന്ത്യ നേടിയിരുന്നു. ആ പരാജയത്തിന് സ്വന്തം നാട്ടിൽ കണക്കു പറയുക ആയിരിക്കും തായ്ലാന്റിന്റെ ലക്ഷ്യം.
