പുതിയ ക്ലബ്ബുകൾക്കും നിക്ഷേപകർക്കും അവസരങ്ങൾ നൽകുന്നതിനു ലക്ഷ്യമിട്ടുള്ള നീക്കത്തിൽ, പുതിയ ഹീറോ ഐ-ലീഗ് ക്ലബ്ബുകൾക്കായി ബിഡ് ക്ഷണിക്കുന്നതായി AIFF അറിയിച്ചു. ഒരു ട്രിപ്പിൾ-ടയർ സംവിധാനത്തിന്റെ അടിസ്ഥാനത്തിലാണ് ബിഡുകൾ ക്ഷണിച്ചിട്ടുള്ളത്.
ശുപാർശകൾ അനുസരിച്ച്, ന്യൂ ഡൽഹി, ബെംഗളൂരു, പൂനെ, ഗുരുഗ്രാം, ചെന്നൈ, മുംബൈ, അഹമ്മദാബാദ്, ഗുവാഹത്തി, നോയിഡ എന്നിവ ഉൾപ്പെടുന്ന ടയർ 1 നഗരങ്ങൾക്ക് കുറഞ്ഞത് 5 കോടി രൂപയുടെ ബിഡ് മൂല്യവും കുറഞ്ഞത് 100 കോടി രൂപയുടെ ആസ്തിയും ആവശ്യമാണ്. . ഈ ക്ലബ്ബുകൾക്ക് രണ്ട് സീസണുകളിൽ തരംതാഴ്ത്തൽ ഉണ്ടാകില്ല.
റാഞ്ചി, ഇറ്റാനഗർ, ജലന്ധർ, ലുധിയാന, ഫഗ്‌വാര, കോയമ്പത്തൂർ, മഞ്ചേരി, തിരുവനന്തപുരം, ഭോപ്പാൽ, ഷില്ലോങ് എന്നിവയുൾപ്പെടെ ടയർ 2 നഗരങ്ങൾക്ക് ഏറ്റവും കുറഞ്ഞ ബിഡ് മൂല്യം ₹ 2.5 കോടിയും കുറഞ്ഞ ആസ്തി ₹ 50 കോടിയും ആവശ്യമാണ്. ടയർ 1 ക്ലബ്ബുകളെപ്പോലെ, ഇവർക്കും രണ്ട് സീസണുകളിൽ തരംതാഴ്ത്തൽ ഉണ്ടാകില്ല.
മൂന്നാം ടയർ ഗ്രാമ പഞ്ചായത്തുകൾക്ക് ആണ്, ആഭ്യന്തര വിമാനത്താവളത്തിൽ നിന്ന് 200 കിലോമീറ്ററിൽ കൂടുതൽ അകലെയല്ലാതെ ഒരു സ്റ്റേഡിയവും പരിശീലന സൗകര്യങ്ങളും ഉണ്ടെങ്കിൽ, പഞ്ചായത്തുകളുടെ നിയന്ത്രണത്തിലുള്ള ഏത് ഗ്രാമത്തിലുള്ള ക്ലബിനും ബിഡ് ചെയ്യാം. ഈ ക്ലബ്ബുകൾക്ക് കുറഞ്ഞത് ഒരു കോടി രൂപയുടെ ബിഡ് മൂല്യവും കുറഞ്ഞത് 40 കോടി രൂപയുടെ ആസ്തിയും ആവശ്യമാണ്. ഒരു സീസണിൽ അവർക്ക് തരംതാഴ്ത്തൽ ഉണ്ടാകില്ല.
