മാഞ്ചസ്റ്റർ യുണൈറ്റഡ് സ്ട്രൈക്കർ റാസ്മസ് ഹോയ്ലണ്ടിനായി എസി മിലാൻ രംഗത്ത്. സ്കൈ സ്പോർട് ഇറ്റാലിയയുടെ ജിയാൻലൂക്ക ഡി മാർസിയോയുടെ റിപ്പോർട്ട് അനുസരിച്ച്, ഡാനിഷ് സ്ട്രൈക്കറെ ടീമിലെത്തിക്കുന്നതിനെക്കുറിച്ച് ചർച്ച ചെയ്യാൻ മിലാൻ കഴിഞ്ഞ 24 മണിക്കൂറിനുള്ളിൽ യുണൈറ്റഡുമായി ബന്ധപ്പെട്ടു.
ഹോയ്ലണ്ടിനായി ഇന്റർ മിലാന് ദീർഘകാല താൽപ്പര്യമുണ്ടായിരുന്നെങ്കിലും പാർമയിൽ നിന്ന് ആഞ്ചെ-യോൻ ബോണിയെ സൈൻ ചെയ്യുകയും യുവതാരം പിയോ എസ്പോസിറ്റോയിൽ വിശ്വാസമർപ്പിക്കുകയും ചെയ്തതോടെ അവർ ഈ നീക്കത്തിൽ നിന്ന് പിന്മാറുകയായിരുന്നു. പിന്നാലെയാണെസി മിലാൻ രംഗത്ത് എത്തുന്നത്.
21 വയസ്സുകാരനായ ഹോയ്ലണ്ട് മുമ്പ്
അറ്റലാന്റയിൽ കളിച്ചത് കൊണ്ട് തന്നെ അദ്ദേഹത്തിന് സീരി എയിൽ കളിച്ച് മുൻപരിചയമുണ്ട്. 2023-ൽ €77 ദശലക്ഷത്തിലധികം രൂപയ്ക്കാണ് അദ്ദേഹം മാഞ്ചസ്റ്റർ യുണൈറ്റഡിൽ ചേർന്നത്. ഓൾഡ് ട്രാഫോർഡിലെ അദ്ദേഹത്തിന്റെ പ്രകടനം പ്രതീക്ഷിച്ചത്ര മികച്ചതായിരുന്നില്ല; കഴിഞ്ഞ സീസണിൽ 52 മത്സരങ്ങളിൽ നിന്ന് 10 ഗോളുകളും നാല് അസിസ്റ്റുകളും മാത്രമാണ് അദ്ദേഹത്തിന് നേടാനായത്.
മിലാൻ ഒരു ലോൺ അടിസ്ഥാനത്തിലുള്ള കരാറാണ് ശ്രമിക്കുന്നത്. യുണൈറ്റഡ് ആകട്ടെ ഹൊയ്ലുണ്ടിനെ വിൽക്കാൻ ആണ് ആഗ്രഹിക്കുന്നത്.
