കഴിഞ്ഞ പ്രളയത്തിൽ വീട് നഷ്ടപ്പെട്ട മൂന്ന് സഹോദരന്മാരെ സഹായിക്കാനായി ഗോകുലം കേരള എഫ് സിയും സാറ്റ് തിരൂരും തമ്മിൽ നടന്ന സൗഹൃദ മത്സരം സമനിലയിൽ അവസാനിച്ചു. കോട്ടപ്പടി സ്റ്റേഡിയത്തിൽ നടന്ന മത്സരം 1-1 എന്ന സ്കോറിലാണ് അവസാനിച്ചത്. തുടക്കത്തിൽ ഹെൻറി കിസേകയിലൂടെയാണ് ഗോകുലം മുന്നിൽ എത്തിയത്. പക്ഷെ തിരിച്ചടിച്ച് സമനില നേടാൻ സാറ്റിനായി.
നിലമ്പൂർ സ്വദേശികളായ മുഹമ്മദ് ആശിഖ്, മുഹമ്മദ് റോഷൻ, മുഹമ്മദ് റമീസ് എന്നിവർക്കാണ് കഴിഞ്ഞ പ്രളയത്തിൽ സ്വന്തം വീട് നഷ്ടമായത്. നിർധനരായ ഈ സഹോദരങ്ങൾ ഇപ്പോൾ വാടക വീട്ടിലാണ് താമസിക്കുന്നത്. മത്സരത്തിന് മികച്ച ജനപങ്കാളിത്തം ഉണ്ടായിരുന്നു.
