ഐ ലീഗ് കളറാക്കാൻ ഗോകുലം തയ്യാർ

ഗോകുലം പുതിയ ജേർസിയും അനാവരണം ചെയ്യുകയും വരാനിരിക്കുന്ന സീസണിലേക്കുള്ള ഔദ്യോഗിക ടിക്കറ്റ് വിൽപ്പന ആരംഭിക്കുകയും ചെയ്തു

കോഴിക്കോട്, ഒക്ടോബർ 22 – രണ്ട് തവണ ഐ ലീഗ് ചാമ്പ്യൻമാരായ ഗോകുലം കേരള എഫ്സി, വരാനിരിക്കുന്ന സീസണിലേക്കുള്ള തങ്ങളുടെ ഹോം, എവേ ജഴ്സികൾ ശനിയാഴ്ച കോഴിക്കോട് മലബാർ പാലസ് ഹോട്ടലിൽ നടന്ന പ്രൗഢമായ ചടങ്ങിൽ പ്രകാശനം ചെയ്തു.
ആവേശകരമായ ഏഴാമത്തെ ഐ-ലീഗ് കാമ്പെയ്നായിരിക്കുമെന്ന വാഗ്ദാനത്തിന് വേദിയൊരുക്കി ടിക്കറ്റ് വിൽപ്പനയുടെ ഔദ്യോഗിക ഉദ്ഘാടനവും ചടങ്ങ് നടത്തി.

ഗോകുലം കേരള എഫ് സിയുടെ ആദ്യത്തെ കളി ഒക്ടോബർ 28ന് കോഴിക്കോട് ഇഎംഎസ് കോർപ്പറേഷൻ സ്റ്റേഡിയത്തിലെ ഫ്ളഡ്ലൈറ്റിന് കീഴിൽ രാത്രി ഏഴു മണിക്ക് ഐ ലീഗിലെ പുതുമുഖ ടീമായ ഇന്റർ കാശിക്ക് എതിരെ നടക്കും.
സ്പാനിഷ് സ്ട്രൈക്കർ അലജാൻഡ്രോ സാഞ്ചസ് ലോപ്പസ് മലബാറിയൻ ടീമിനെ നയിക്കും
ഗോകുലം കേരള എഫ്സി സ്പാനിഷ് സ്ട്രൈക്കർ അലജാൻഡ്രോ സാഞ്ചസിനെ ക്യാപ്റ്റനായി പ്രഖ്യാപിച്ചു, പ്രശസ്തമായ ഡ്യൂറൻഡ് കപ്പിൽ മികച്ച പ്രകടനം കാഴ്ചവെച്ച ടീം പോസിറ്റീവ് നോട്ടിലാണ് ഐ ലീഗ് കാമ്പെയ്നിലേക്ക് പ്രവേശിക്കുന്നത്.

മൂന്നാം തവണയും ഐ-ലീഗ് കിരീടം നേടുക എന്ന ദൃഢമായ ലക്ഷ്യത്തോടെ, ഐഎസ്എല്ലിൽ തങ്ങളുടെ സ്ഥാനം ഉറപ്പാക്കാനുള്ള തീരുമാനത്തിലാണ് ടീം.

സ്പാനിഷ് കോച്ച് ഡൊമിംഗോ ഒറാമാസ് പരിശീലിപ്പിക്കുന്ന 25 അംഗ സ്ക്വാഡിൽ പ്രതിഭകളുടെ കിടിലൻ സമ്മിശ്രമാണ്, കേരളത്തിൽ നിന്നുള്ള 11 സ്വദേശ കളിക്കാരും അഞ്ച് വിശിഷ്ട വിദേശ കളിക്കാരും ഉൾപ്പെടുന്നു,
ആവേശകരമായ മത്സരത്തിന്റെ ആമുഖമായി, പ്രശസ്ത സംഗീത ബാൻഡായ തൈക്കുടം ബ്രിഡ്ജ് സ്റ്റേഡിയത്തിൽ വൈകുന്നേരം 4:30 മുതൽ സംഗീത വിരുന്നു ഒരുക്കും.

ഏറെ പ്രതീക്ഷയോടെ കാത്തിരിക്കുന്ന കിക്ക് ഓഫ് ഷെഡ്യൂൾ ചെയ്തിരിക്കുന്നത് വൈകിട്ട് 7 മണിക്കാണ്. ആദ്യ മത്സരത്തിൽ നടൻ ദിലീപ് മുഖ്യാതിഥിയാകും.

GKFC ഐ-ലീഗ് സ്ക്വാഡ്
ഗോൾകീപ്പർമാർ: അവിലാഷ് പോൾ, ബിഷോർജിത് സിംഗ്, ദേവാൻഷ് ദബാസ്

ഡിഫൻഡർമാർ: അമീനൗ ബൗബ (കാമറൂൺ), അഖിൽ പ്രവീൺ, സലാം രഞ്ജൻ, അബ്ദുൾ ഹക്കു, അനസ് എടത്തൊടിക, വികാസ് സൈനി, നിധിൻ കൃഷ്ണ, മുഹമ്മദ് ഷഹീഫ്, രാഹുൽ ഖോഖർ, ജോൺസൺ സിംഗ്.

മിഡ്ഫീൽഡർമാർ: എഡു ബേഡിയ (സ്പെയിൻ), ബാസിത് അഹമ്മദ്, റിഷാദ് പിപി, ക്രിസ്റ്റി ഡേവിസ്, അഭിജിത്ത് കെ, നിലി പെർഡോമ (സ്പെയിൻ), കൊമ്റോൺ തുർസുനോവ് (താജിക്കിസ്ഥാൻ), ശ്രീക്കുട്ടൻ വിഎസ്, നൗഫൽ പിഎൻ, അസ്ഫർ നൂറാനി, സെന്തമിൽ എസ്.

ഫോർവേഡുകൾ: സൗരവ്, ഷിജിൻ ടി, അലജാൻഡ്രോ സാഞ്ചസ് ലോപ്പസ് (സ്പെയിൻ), ജസ്റ്റിൻ ഇമ്മാനുവൽ (നൈജീരിയ)

ടീം ഒഫീഷ്യൽസ്: ഡൊമിംഗോ ഒറാമസ് (മുഖ്യ പരിശീലകൻ), ഷെരീഫ് ഖാൻ (അസിസ്റ്റന്റ് കോച്ച്), ക്രിസ്റ്റ്യൻ റോഡ്രിഗസ് ഡയസ് (അസിസ്റ്റന്റ് കോച്ച്), മനീഷ് ടിംസിന (ഗോൾകീപ്പർ കോച്ച്), അരുൺ ജോസഫ് (ടീം മാനേജർ), മുഹമ്മദ് ആദിൽ (ഫിസിയോതെറാപ്പിസ്റ്റ്), ശ്രീരാഗ് എംവി (മസ്സർ), ആരിഫ് റഹ്മാൻ (കിറ്റ് മാനേജർ)

GKFC ഔദ്യോഗികമായി ടിക്കറ്റ് വിൽപ്പന പ്രഖ്യാപിച്ചു
കൂടുതൽ വനിതാ ആരാധകരെ സ്റ്റേഡിയത്തിലേക്ക് കൊണ്ടുവരാനുള്ള നീക്കത്തിൽ, ഗോകുലം കേരള എഫ്‌സി അവരുടെ എല്ലാ ഐ ലീഗ് മത്സരങ്ങൾക്കും സ്ത്രീകൾക്ക് സൗജന്യ പ്രവേശനം പ്രഖ്യാപിച്ചു.

ഇഎംഎസ് കോർപ്പറേഷൻ സ്റ്റേഡിയത്തിലെ ഗോകുലം കേരള എഫ്‌സി ഓഫീസിലും ഗോകുലം മാളിലെ ജികെഎഫ്‌സി മർച്ചൻഡൈസ് ഷോപ്പിലും എല്ലാ ഗോകുലം ചിട്ടി ഫണ്ട് ഓഫീസുകളിലും ടിക്കറ്റുകൾ ലഭ്യമാണ്.

വിദ്യാർത്ഥികൾ അവരുടെ കോളേജ്/സ്കൂൾ ഐഡി കാർഡുകൾ കാണിച്ചതിന് ശേഷം കൺസഷൻ ടിക്കറ്റുകൾ ലഭ്യമാക്കണം.

ഓരോ മത്സരത്തിനും ഞങ്ങൾ ടിക്കറ്റ് വാങ്ങുന്നവരിൽ നിന്ന് ലക്കി ഡിപ്പ് എടുക്കും. വിജയികൾക്ക് കണ്ണങ്കണ്ടി ഷോറൂമുകളിൽ നിന്ന് ഹെയർ ഉൽപ്പന്നങ്ങൾക്ക് 40000 രൂപയുടെ ഗിഫ്റ്റ് വൗച്ചർ ലഭിക്കും.

മത്സരത്തിനുള്ള ടിക്കറ്റ് നിരക്കുകൾ ഇപ്രകാരമാണ്:
ഗാലറി: 100 രൂപ, നോർത്ത്/സൗത്ത് ഗാലറി: 75 രൂപ, വിദ്യാർത്ഥികൾ: 50 രൂപ, വിഐപി: 200 രൂപ, സീസൺ ടിക്കറ്റ് (വിഐപി): 2000 രൂപ, സീസൺ ടിക്കറ്റ്: 1000 രൂപ

ഗോകുലം കേരള എഫ്സി കോഴിക്കോട്ടെ ഫുട്ബോൾ വികസനം ലക്ഷ്യമാക്കി നാല് പുതിയ അക്കാദമികൾ തുടങ്ങുകയും, ചേർത്തലയിൽ റസിഡൻഷ്യൽ അക്കാദമിയും ട്രെയിനിങ് ഗ്രൗണ്ടും തുടക്കം കുറിച്ചു.

ഗോകുലം കേരള എഫ്സി കോഴിക്കോട്ടെ ഫുട്ബോൾ പ്രതിഭകളെ പരിപോഷിപ്പിക്കുന്നതിൽ വ്യത്യസ്തമായ പ്രൊജെക്ടുകൾ തുടങ്ങി. കോഴിക്കോട്ടെ യുവ ഫുട്ബോൾ കളിക്കാർക്കായി വിത്യസ്ത പരിശീലന പരിപാടികൾ സ്ഥാപിക്കുന്നതിനായി കോഴിക്കോട്ടെ വിദ്യാഭ്യാസ സ്ഥാപനങ്ങളുമായി ക്ലബ് കരാറിൽ എത്തി.
കോഴിക്കോട്ടെ സാന്നിധ്യം ശക്തമാക്കുന്നതിന്റെ ഭാഗമായി ഗോകുലം കേരള എഫ്സി കോഴിക്കോട് സെന്റ് ജോസഫ്സ് എച്ച്എസ്എസ് സ്കൂൾ, കോഴിക്കോട് എച്ച്എംസിഎ അക്കാദമി എന്നിവരുമായി സഹകരിച്ച് പ്രവർത്തിക്കുന്നു. യോഗ്യരായ ഗോകുലം കേരള എഫ്സി പരിശീലകരുടെ നേതൃത്വത്തിൽ അണ്ടർ 13, അണ്ടർ 15, അണ്ടർ 17 എന്നിങ്ങനെ വിവിധ പ്രായ വിഭാഗങ്ങളിലായി കോഴിക്കോട് നഗരത്തിലെ 180 ഓളം ആൺകുട്ടികൾക്ക് പ്രത്യേക പരിശീലനം നൽകാനാണ് ലക്ഷ്യമിടുന്നത്.

വനിതാ ഫുട്ബോള്ളിൽ U15, U17 വിഭാഗങ്ങളിലെ യുവ വനിതാ ഫുട്ബോൾ താരങ്ങളുടെ വളർച്ചയെ പ്രോത്സാഹിപ്പിക്കുന്നതിനായി ഗോകുലം കേരള എഫ്സി നടക്കാവ് ജിഎച്ച്എസ്എസുമായി സഹകരിച്ചു പരിശീലനം നടത്തുന്നു. ഈ സംരംഭം കോഴിക്കോട് നഗരത്തിലെ ഏകദേശം 50 പ്രതിഭാധനരായ പെൺകുട്ടികൾക്ക് പ്രയോജനം ചെയ്യും.

കൂടാതെ U21 വനിതാ ടീമിനെ പരിശീലിപ്പിക്കുന്നതിനായി സെന്റ് ജോസഫ്സ് കോളേജ് ദേവഗിരിയുമായി സഹകരിച്ചു ക്യാമ്പ് നടത്തുന്നത്.

ഈ സംരംഭങ്ങൾക്ക് പുറമേ, ചേർത്തലയിലെ ഗോകുലം എസ്എൻജിഎം ആർട്സ് ആൻഡ് സയൻസ് കോളേജിൽ ഗോകുലം കേരള എഫ്സി ഇതിനകം ഒരു റസിഡൻഷ്യൽ അക്കാദമി സ്ഥാപിച്ചു. വനിതാ-പുരുഷ റിസർവ് ടീമുകളുടെ പരിശീലന ഗ്രൗണ്ടും മത്സരങ്ങളുടെ വേദിയും 11-എ സൈഡ് പിച്ച് നിർമ്മിക്കാനുള്ള പദ്ധതികൾ നടന്നുവരികയാണ്.

ചടങ്ങിൽ പങ്കെടുത്തവർ: ഗോകുലം ഗോപാലൻ, ബി അശോക് കുമാർ (സിഇഒ ), ടി പി ദാസൻ, ഷാജേഷ് കുമാർ (കെ ഡി എഫ് എ സെക്രട്ടറി), സിറാജ് എം കെ (കെ ആർ എസ് എം ഡി ), രേഖ പി പി (സ്പോർട്സ് സ്റ്റാന്റിംഗ് കമ്മിറ്റി ചെയര്മാന്, കോര്പറേഷന്), വി സി പ്രവീൺ (ഗോകുലം കേരള എഫ് സി പ്രസിഡന്റ്).