സൗദി പ്രൊ ലീഗ് ക്ലബ് ആയ ഇത്തിഫാഖ് എഫ് സി സ്റ്റീവൻ ജെറാഡിനെ പരിശീലകനാക്കി എത്തിക്കുന്നു. ലിവർപൂൾ ഇതിഹാസം സ്റ്റീവൻ ജെറാർഡ് സൗദി പ്രോ ലീഗ് ക്ലബിന്റെ ഓഫർ സ്വീകരിക്കുന്നതിന് അടുത്താണ് എന്ന് റോയിറ്റേഴ്സ് റിപ്പോർട്ട് ചെയ്യുന്നു. മുൻ ആസ്റ്റൺ വില്ല മാനേജർ ആസ്റ്റൺ വില്ലയിൽ നിന്ന് പുറത്താക്കപ്പെട്ടതിന് ശേഷം ഒരു ഓഫറും സ്വീകരിച്ചിരുന്നില്ല.
ലീഡ്‌സ് യുണൈറ്റഡ് , ലെസ്റ്റർ സിറ്റി എന്നിവർ ജെറാഡിനെ സമീപിച്ചിരുന്നു. പക്ഷെ അദ്ദേഹം സൗദിയിൽ നിന്ന് ഉള്ള വലിയ ഓഫർ സ്വീകരിക്കാൻ ആണ് സാധ്യത. ഇത്തിഫാഖ് ഈ കഴിഞ്ഞ സൗദി പ്രൊ ലീഗ് സീസണിൽ ഏഴാം സ്ഥാനത്ത് ഫിനിഷ് ചെയ്തിരുന്നു. ജെറാഡിനെ എത്തിക്കാൻ ആയാൽ അതിനു പിറകെ യൂറോപ്പിൽ നിന്ന് വലിയ താരങ്ങളെയും ഇത്തിഫാഖ് എത്തിക്കും.
