ഇംഗ്ലീഷ് പ്രീമിയർ ലീഗിൽ നോടിങ്ഹാം ഫോറസ്റ്റ് താണ്ഡവമാടി. ഇന്ന് ബ്രൈറ്റണെ നേരിട്ട ഫോറസ്റ്റ് എതിരില്ലാത്ത 7 ഗോളുകളുടെ വിജയമാണ് നേടിയത്. ഫോറസ്റ്റിന്റെ പ്രീമിയർ ചരിത്രത്തിലെ ഏറ്റവും വലിയ വിജയമാണിത്. ഹാട്രിക്കുമായി ക്രിസ് വുഡ് അവരുടെ ഹീറോ ആയി.
12ആം മിനുറ്റിൽ ഒരു സെൽഫ് ഗോളിലൂടെ ആയിരുന്നു ഫോറസ്റ്റ് സ്കോറിംഗ് ആരംഭിച്ചത്. 25ആം മിനുറ്റിൽ എലാംഗയുടെ അസിസ്റ്റിൽ നിന്ന് ഗിബ്സ് വൈറ്റ് ഫോറസ്റ്റിന്റെ ലീഡ് ഇരട്ടിയാക്കി. 32ആം മിനുറ്റിൽ ക്രിസ് വുഡിന്റെ ആദ്യ ഗോൾ വന്നു. ആദ്യ പകുതി 3-0ൽ അവസാനിച്ചു.
64ആം മിനുറ്റിലും 74ആം മിനുറ്റിലും വന്ന ഗോളുകളിലൂടെ വുഡ് ഹാട്രിക്ക് പൂർത്തിയാക്കി. പിന്നീട് ബെകോ വില്യംസ്, ജോട സിൽവ എന്നിവർ കൂടെ ഗോൾ നേടിയതോടെ ഫോറസ്റ്റിന്റെ ജയം പൂർത്തിയായി.
47 പോയിന്റുമായി ഫോറസ്റ്റ് ലീഗിൽ ഇപ്പോൾ മൂന്നാം സ്ഥാനത്താണ്. ബ്രൈറ്റൺ 34 പോയിന്റുമായി ഒമ്പതാം സ്ഥാനത്തും നിൽക്കുന്നു.
