ഗ്രീസിനോട് ഏറ്റ ഞെട്ടിപ്പിക്കുന്ന തോൽവിയിൽ നിന്ന് കരകയറിയ ഇംഗ്ലണ്ട് നേഷൻസ് ലീഗിൽ ഫിൻലൻഡിനെ 3-1ന് തോൽപ്പിച്ച് വിജയ വഴിയിൽ തിരികെയെത്തി. ജാക്ക് ഗ്രീലിഷ്, ട്രെൻ്റ് അലക്സാണ്ടർ-അർനോൾഡ്, ഡെക്ലാൻ റൈസ് എന്നിവരുടെ ഗോളുകൾ ആണ് ഹെൽസിങ്കിയിൽ അവരുടെ വിജയം ഉറപ്പിച്ചത്.
എയ്ഞ്ചൽ ഗോമസിൻ്റെ മികച്ച അസിസ്റ്റിൽ നിന്നാണ് ഗ്രീലിഷ് സ്‌കോറിംഗ് തുറന്നത്. 25 വാര അകലെ നിന്ന് അലക്സാണ്ടർ-അർനോൾഡ് തകർപ്പൻ ഫ്രീകിക്കിലൂടെ ഇംഗ്ലണ്ട് ലീഡ് ഉയർത്തി. ഡിക്ലാൻ റൈസ് പിന്നീട് മൂന്നാമത്തെ ഗോളും ചേർത്തു. ഫിൻലൻഡിനായി ആർട്ടു ഹോസ്‌കോണൻ ആണ് ആശ്വാസ ഗോൾ നേടിയത്.
