ഫിഫ ലോകകപ്പ് 2026ലെ സമ്മാനത്തുകയിൽ 50 ശതമാനത്തിന്റെ വൻ വർദ്ധനവ് ഫിഫ പ്രഖ്യാപിച്ചു. ഇതോടെ കിരീടം നേടുന്ന ടീമിന് റെക്കോർഡ് തുകയായ 50 മില്യൺ ഡോളർ (ഏകദേശം ₹416 കോടി) ലഭിക്കും. 2022-ൽ ഇത് 42 മില്യൺ ഡോളറായിരുന്നു. അമേരിക്ക, കാനഡ, മെക്സിക്കോ എന്നീ രാജ്യങ്ങളിലായി നടക്കുന്ന ടൂർണമെന്റിൽ ഇത്തവണ 48 ടീമുകൾ പങ്കെടുക്കുന്നുണ്ട്.
ആകെ 727 മില്യൺ ഡോളറാണ് സമ്മാനത്തുകയായി നിശ്ചയിച്ചിരിക്കുന്നത്. ഇതിൽ 655 മില്യൺ ഡോളർ വിവിധ ഘട്ടങ്ങളിലെ വിജയികൾക്കും 72 മില്യൺ ഡോളർ പങ്കാളിത്ത തുകയായും നൽകും.
ടൂർണമെന്റിൽ പങ്കെടുക്കുന്ന ഓരോ ടീമിനും കുറഞ്ഞത് 10.5 മില്യൺ ഡോളർ ലഭിക്കുമെന്ന് ഉറപ്പാണ്. രണ്ടാം സ്ഥാനത്തെത്തുന്ന ടീമിന് 33 മില്യൺ ഡോളറും, ഗ്രൂപ്പ് ഘട്ടത്തിൽ പുറത്താകുന്ന ടീമുകൾക്ക് 9 മില്യൺ ഡോളർ വരെയും ലഭിക്കും. ലോകകപ്പ് പോലൊരു വലിയ വേദിയിൽ ദേശീയ ടീമുകൾക്ക് അർഹമായ പ്രതിഫലം ഉറപ്പാക്കുന്നതാണ് ഈ നീക്കം.
എന്നാൽ ഫൈനൽ ടിക്കറ്റ് നിരക്ക് £3,140 (ഏകദേശം ₹3.3 ലക്ഷം) വരെ ഉയർന്നേക്കാമെന്നത് ആരാധകർക്കിടയിൽ ആശങ്കയുണ്ടാക്കുന്നുണ്ട്.
അതേസമയം, ഫിഫ ക്ലബ് ലോകകപ്പിന്റെ 1 ബില്യൺ ഡോളർ സമ്മാനത്തുകക്ക് മുന്നിൽ ഈ തുക ചെറുതായാണ് വിലയിരുത്തപ്പെടുന്നത്. ക്ലബ് ലോകകപ്പിൽ ചെൽസി 125 മില്യൺ ഡോളർ വരെ സ്വന്തമാക്കിയിരുന്നു.
