ജോസ് മൗറീഞ്ഞോയുടെ ഏറ്റവും പ്രിയപ്പെട്ട ശിഷ്യൻ റൂയി ഫറിയ ഇനി ഖത്തർ ക്ലബ്ബ് അൽ ദുഹൈലിന്റെ പരിശീലകനായി നിയമിക്കപ്പെട്ടു. 17 വർഷം മൗറീഞ്ഞോയുടെ അസിസ്റ്റന്റ് ആയി ജോലി ചെയ്ത അദ്ദേഹം കഴിഞ്ഞ വർഷമാണ് സ്വന്തമായി പരിശീലക സ്ഥാനം ഏറ്റെടുക്കാൻ മൗറീഞ്ഞോയുമായി പിരിഞ്ഞത്. 17 വർഷത്തോളം മൗറീഞ്ഞോക്ക് കീഴിൽ ജോലി ചെയ്ത ശേഷമായിരുന്നു ഇത്.
ഖത്തർ ലീഗ് ചാമ്പ്യന്മാരായ ദുഹൈൽ ട്യുണീഷ്യൻ പരിശീലകൻ നബീൽ മലൗലിനെ പുറത്താക്കിയ ശേഷമാണ് ഫറിയയെ നിയമിക്കുന്നത്. യൂറോപ്പിലെ ക്ലബ്ബ്കളിൽ നിന്ന് വാഗ്ദാനങ്ങൾ ലഭിച്ചെങ്കിലും ആദ്യ പരിശീലക സ്ഥാനം ഏഷ്യയിൽ ഏറ്റെടുക്കാൻ ഫറിയ തീരുമാനിക്കുകയായിരുന്നു.
