ഡേവിഡ് സിൽവ റയൽ സോസിഡാഡുമായുള്ള കരാർ നീട്ടി. തന്റെ തലമുറയിലെ ഏറ്റവും മികച്ച കളിക്കാരിൽ ഒരാളായി പരക്കെ കണക്കാക്കപ്പെടുന്ന 37കാരനായ സ്പാനിഷ് പ്ലേമേക്കർ, ഇപ്പോൾ 2023-24 സീസണിന്റെ അവസാനം വരെ ക്ലബ്ബിൽ തുടരാനുള്ള കരാർ ആണ് ഒപ്പുവെച്ചത്. ചാമ്പ്യൻസ് ലീഗ് യോഗ്യത ഉറപ്പിക്കാൻ പോരാടുന്ന സോസിഡാഡിന് വലിയ ഊർജ്ജമാണ് ഈ വാർത്ത.
മാഞ്ചസ്റ്റർ സിറ്റിക്ക് ഒപ്പം നാല് പ്രീമിയർ ലീഗ് കിരീടങ്ങളും രണ്ട് എഫ്എ കപ്പുകളും നേടിയ ശേഷം 2020ൽ ആയിരുന്നു സിൽവർ റയൽ സോസിഡാഡിൽ ചേർന്നത്. ഇപ്പോൾ ലാലിഗയിൽ നാലാം സ്ഥാനത്തുള്ള സോസിഡാഡിന് ഇനി എട്ട് പോയിന്റ് കൂടെ മതി ചാമ്പ്യൻസ് ലീഗ് യോഗ്യത ഉറപ്പിക്കാൻ.
