ദലിമ തിരികെ ഗോകുലം കേരളയിൽ

Newsroom

Download the Fanport app now!
Appstore Badge
Google Play Badge 1

ഇന്ത്യൻ വനിതാ ടീമിലെ പ്രധാന താരമായ ദലിമ ചിബെർ തിരികെ വീണ്ടും ഗോകുലം കേരളയിൽ എത്തി. രണ്ടു വർഷം മുമ്പ് ഇന്ത്യൻ വനിതാ ലീഗിൽ ഗോകുലത്തിന് വേണ്ടി കളിച്ചിരുന്ന താരമാണ് ദലിമ. വരുന്ന ഇന്ത്യൻ വനിതാ ലീഗിലും കേരള വനിതാ ലീഗിലും എ എഫ് സി ചപ്യൻഷിപ്പിലും ഗോകുലത്തിന് ഒപ്പം ദലിമ ഉണ്ടാകും. നേരത്തെ ഗോകുലം വിട്ട് കാനഡ ടീമായ ബിസൺ സോക്കറിൽ കളിക്കാൻ ദലിമ പോയിരുന്നു. കാനഡയിലെ പഠനം കഴിഞ്ഞതോടെയാണ് ദലിമ ഇന്ത്യയിൽ തിരികെയെത്തിയത്.

ഇന്ത്യൻ ദേശീയ ടീമിലെയും പ്രധാന താരമായ ദലിമ. വനിതാ എ എഫ് സി ചപ്യൻഷിപ്പിനായി ഗോകുലം കേരള വലിയ ടീമിനെ തന്നെയാണ് ഒരുക്കുന്നത്. അദിതി ചൗഹാൻ, ഗ്രേസ്, സൗമ്യ തുടങ്ങി പ്രമുഖ ഇന്ത്യൻ താരങ്ങളും ഇവരെ കൂടാതെ വലിയ വിദേശ താരങ്ങളും ഒക്കെ ഇതിനകം ഗോകുലത്തിന് ഒപ്പം ചേർന്നിട്ടുണ്ട്.