സ്പെയിനിലെ കോപ ഡെൽ റേ ഫൈനൽ വൈകും എന്ന് ഉറപ്പായി. കാണികൾക്ക് പ്രവേശനം വന്നതിനു ശേഷം മാത്രം കോപ ഡെൽ റേ ഫൈനൽ കളിച്ചാൽ മതി എന്ന് ഫൈനലിസ്റ്റുകളായ റയൽ സോസിഡാഡും അത്ലറ്റിക്ക് ബിൽബാവോയും തീരുമാനിച്ചു. സ്പാനിഷ് ഫുട്ബോൾ അധികൃതരുമായും ഇതു സംബന്ധിച്ച് ചർച്ചകൾ നടത്തി. യൂറോപ്പ ലീഗിൽ കളിക്കാനുള്ള അവസരം വിട്ടു നൽകാൻ തയ്യാറാണെന്നും രണ്ടു ക്ലബുകളും അറിയിച്ചു.
ഓഗസ്റ്റിനു മുമ്പ് കോപ ഡെൽ റേ ഫൈനൽ നടത്തിയില്ല എങ്കിൽ കോപ ഡെൽ റേയുടെ യൂറോപ്പാ യോഗ്യത എടുത്തു കളയും എന്നാണ് യുവേഫ പറഞ്ഞിരുന്നു. കോപ ഡെൽ റേ വിജയികൾക്ക് പകരം ലാലിഗയിലെ ഏഴാം സ്ഥാനക്കാർ യൂറോപ്പയിൽ കളിക്കും എന്ന് ഈ പുതിയ വാർത്തകളോടെ തീരുമാനമായി. കോപ ഡെൽ റേ ഫൈനൽ അടുത്ത സീസണിൽ നടത്താൻ ആണ് ഇപ്പോൾ ആലോചിക്കുന്നത്.
