കോപ അമേരിക്ക ആരംഭിക്കുന്നതിന് തൊട്ടു മുമ്പ് ബ്രസീൽ ടീമിനെതിരെ റൊണാൾഡീഞ്ഞോ രംഗത്ത്. ഈ ബ്രസീൽ ടീമിനെ താൻ പിന്തുണക്കില്ല എന്നും ഇതുപോലൊരു ബ്രസീൽ ടീമിനെ താൻ കണ്ടിട്ടില്ല എന്നും റൊണാൾഡീഞ്ഞോ പറഞ്ഞു. സാമൂഹിക മാധ്യമങ്ങളിൽ ഒരു പോസ്റ്റിലൂടെ ആണ് ബ്രസീൽ ഇതിഹാസം തന്റെ അഭിപ്രായം പങ്കുവെച്ചത്.
“എനിക്ക് മതിയായി. ബ്രസീലിനെ സ്നേഹിക്കുന്നവർക്ക് ഇതൊരു ദുഃഖ നിമിഷമാണ്. ബ്രസീലിന്റെ സമീപകാലത്തെ ഏറ്റവും മോശം ടീമുകളിലൊന്നാണിത്. വർഷങ്ങളായി, അതിന് മാന്യരായ ലീഡേഴ്സ് ഇല്ല, ശരാശരി നിലവാരം മാത്രം ആണ് ഭൂരിഭാഗം കളിക്കാരും.” റൊണാൾഡീഞ്ഞോ പറഞ്ഞു.
“ഞാൻ കുട്ടിക്കാലം മുതൽ, വളരെ മുമ്പുതന്നെ ഫുട്ബോൾ പിന്തുടരുന്നുണ്ട്. ഒരിക്കലും ഇതുപോലെ മോശമായ അവസ്ഥ ബ്രസീൽ ഫുട്ബോളിൽ കണ്ടിട്ടില്ല. ജേഴ്സിയോട് ഈ താരങ്ങൾക്ക് സ്നേഹമില്ല. അതിനാൽ ഞാൻ എൻ്റെ രാജി പ്രഖ്യാപിക്കുന്നു. ഞാൻ ഇത്തവണ കോപ്പ അമേരിക്കയിൽ ഒരു മത്സരവും കാണില്ല.