അർജന്റീനയുടെ കോപ്പ അമേരിക്ക ഉദ്ഘാടന മത്സരത്തിൽ നിക്കോളാസ് ഒട്ടാമെൻഡിക്ക് പകരക്കാരനായി ലിസാൻഡ്രോ മാർട്ടിനെസ് ഇറങ്ങാൻ സാധ്യത. ലിസാൻഡ്രോ മാർട്ടിനെസ് വെറ്ററൻ ഡിഫൻഡർ നിക്കോളാസ് ഒട്ടാമെൻഡിയെ ബെഞ്ചിൽ ഇരുത്തും എന്നാണ് വരുന്ന റിപ്പോർട്ടുകൾ. അർജൻ്റീന കാനഡയ്ക്കെതിരെ ആണ് നാളെ പുലർച്ചെ ഇറങ്ങുന്നത്.
അടുത്തിടെ പൂർണ ഫിറ്റ്നസ് വീണ്ടെടുത്ത മാർട്ടിനെസ്, അർജൻ്റീനയുടെ പ്രതിരോധത്തിൻ്റെ ഹൃദയഭാഗത്ത് ടോട്ടൻഹാം ഹോട്സ്പറിൻ്റെ ക്രിസ്റ്റ്യൻ റൊമേറോയ്ക്കൊപ്പം ഇറങ്ങും. കഴി ലോകകപ്പിൽ ഒടമെൻഡി ആയിരുന്നു റൊമേറോയുടെ പങ്കാളി ആയത്. ഭാവി കൂടെ കണക്കിലെടുത്താണ് സ്കലോണി ഡിഫൻസിൽ ലിസാൻഡ്രോയെ കൊണ്ടു വരുന്നത്. മാഞ്ചസ്റ്റർ യുണൈറ്റഡ് സെന്റർ ബാക്ക് ഈ സീസൺ ഭൂരിഭാഗവും പരിക്ക് കാരണം പുറത്തായിരുന്നു.
