യുഫേഫ കോൺഫറൻസ് ലീഗ് ഫൈനലിലേക്ക് മുന്നേറി വെസ്റ്റ് ഹാം യുണൈറ്റഡ്. ഇന്ന് നടന്ന രണ്ടാം പാദ സെമിഫൈനലിൽ 1-0 നു ഡച്ച് ക്ലബ് എസിയെ മറികടന്ന വെസ്റ്റ് ഹാം ഇരു പാദങ്ങളിലും ആയി 3-1 ന്റെ ജയം ആണ് കണ്ടത്തിയത്. ഡച്ച് ടീം പന്തിൽ ആധിപത്യം കാണിച്ച മത്സരത്തിൽ പക്ഷെ കൂടുതൽ അവസരങ്ങൾ തുറന്നത് വെസ്റ്റ് ഹാം ആയിരുന്നു. ഇടക്ക് വെസ്റ്റ് ഹാമിന്റെ ഒരു ശ്രമം ബാറിൽ തട്ടിയും മടങ്ങി.
ഗോൾ രഹിതമായ രീതിയിൽ അവസാനിക്കും എന്ന മത്സരത്തിൽ ഇഞ്ച്വറി സമയത്ത് 94 മത്തെ മിനിറ്റിൽ ആണ് വെസ്റ്റ് ഹാം വിജയഗോൾ നേടിയത്. പകരക്കാരനായി ഇറങ്ങിയ പാബ്ലോ ഫോർനാൽസ് ഗോൾ നേടി വെസ്റ്റ് ഹാം ഫൈനൽ പ്രവേശനം ഉറപ്പിക്കുക ആയിരുന്നു. ഇത് ഏതാണ്ട് 5 പതിറ്റാണ്ടിനു ശേഷമാണ് വെസ്റ്റ് ഹാക് ഒരു യൂറോപ്യൻ ഫൈനലിൽ എത്തുന്നത്. അതേസമയം കരിയറിലെ ആദ്യ യൂറോപ്യൻ ഫൈനൽ ആണ് പരിശീലകൻ ഡേവിഡ് മോയസിന് ഇത്.
