കേരള ബ്ലാസ്റ്റേഴ്സിന് എതിരായ മത്സരത്തിൽ ചെന്നൈയിൻ താരം വിൽമാർ ജോർദാന് കിട്ടിയ ചുവപ്പ് കാർഡ് അംഗീകരിക്കാൻ ആകില്ല എന്ന് ചെന്നൈയിൻ പരിശീലകൻ ഓവൻ കോയ്ല്. തീർത്തും തെറ്റായ തീരുമാനം ആണ് അത് എന്നും കളി തോൽക്കാൻ കാരണം റഫറിയുടെ ആ തീരുമാനം ആണെന്നും ഓവൻ കോയ്ല് മത്സര ശേഷം പറഞ്ഞു.
തുടക്കത്തിൽ ഞങ്ങൾ ഗോൾ വഴങ്ങി. എന്നാൽ ഞങ്ങൾ കളിയിലേക്ക് തിരികെ വരികയായിരുന്നു. നല്ല അവസരങ്ങൾ സൃഷ്ടിച്ചു. അപ്പോഴാണ് ഈ തീരുമാനം വരുന്നത്. ഇത് അംഗീകരിക്കാൻ ആകില്ല. ഓവൻ കോയ്ല് പറഞ്ഞു.
ടി വിയിൽ ഫുട്ബോൾ നിരീക്ഷകനായിരുന്ന റോബിൻ സിംഗ് ആ ചുവപ്പ് കാർഡ് ചുവപ്പ് കാർഡ് ആണെൻ ഓവൻ കോയ്ലിനോട് പറഞ്ഞതിന് അദ്ദേഹം അഭിമുഖം പകുതിക്ക് വെച്ച് നിർത്തി പോവുകയും ചെയ്തു.
