വനിതാ സൂപ്പർ ലീഗ് കിരീടം വീണ്ടും ചെൽസി സ്വന്തമാക്കി. തുടർച്ചയായ നാലാം തവണയാണ് ചെൽസി ലീഗ് സ്വന്തമാക്കുന്നത്. ഇന്ന് ലീഗിലെ അവസാന മത്സരത്തിൽ റീഡിംഗിനെ തോൽപ്പിച്ചതോടെയാണ് ചെൽസി കിരീടം ഉറപ്പിച്ചത്. രണ്ടാം സ്ഥാനക്കാരായ മാഞ്ചസ്റ്റർ യുണൈറ്റഡും വിജയിച്ചു എങ്കിലും 2 പോയിന്റെ മുൻതൂക്കത്തിൽ ചെൽസി കിരീടം ഉറപ്പിച്ചു.
ഇന്ന് മാഞ്ചസ്റ്റർ യുണൈറ്റഡ് ലിവർപൂളിനെ 1-0 എന്ന സ്കോറിന് ആണ് തോൽപ്പിച്ചത്. ചെൽസി 2-0ന് റീഡിംഗിനെയും തോൽപ്പിച്ചു.
ഈ വിജയത്തോടെ ചെൽസി 22 മത്സരങ്ങളിൽ നിന്ന് 58 പോയിന്റിൽ എത്തി. 22 മത്സരങ്ങളിൽ നിന്ന് മാഞ്ചസ്റ്റർ യുണൈറ്റഡ് 56 പോയിന്റുമായി രണ്ടാമതും ഫിനിഷ് ചെയ്തു. ചെൽസിയുടെ തുടർച്ചയായ നാലാം കിരീടം ആണിത്. ആകെ ആറ് ലീഗ് കിരീടങ്ങളും ചെൽസി നേടിയിട്ടുണ്ട്.
