ഇംഗ്ലീഷ് പ്രീമിയർ ലീഗിൽ ചെൽസിക്ക് വീണ്ടും നിരാശ. തുടർച്ചയായി നാലാം മത്സരത്തിലും അവർ പോയിന്റ് നഷ്ടപ്പെടുത്തി. ഇന്ന് നടന്ന മത്സരത്തിൽ ക്രിസ്റ്റൽ പാലസ് ആണ് ചെൽസിയെ തടഞ്ഞത്. അവർ 1-1 എന്ന സമനിലയിൽ ചെൽസിയെ തളച്ചു.
ഇന്ന് മത്സരത്തിന്റെ 13ആം മിനുറ്റിൽ തന്നെ ചെൽസി ലീഡ് എടുത്തു. കോൾ പാമർ ആയിരുന്നു ചെൽസിയെ മുന്നിൽ എത്തിച്ചത്. പാമറിന്റെ ഈ സീസണിലെ 13ആം ലീഗ് ഗോളായിരുന്നു ഇത്.
സമനില ഗോളിനായി പൊരുതിയ ക്രിസ്റ്റൽ പാലസ് മത്സരത്തിന്റെ 82ആം മിനുറ്റിൽ മറ്റേറ്റയിലൂടെ സമനില ഗോൾ കണ്ടെത്തി. എസെയുടെ അസിസ്റ്റിൽ നിന്നായിരുന്നു മറ്റേറ്റയുടെ ഗോൾ.
ഈ സമനിലയോടെ ചെൽസി ലീഗിൽ 36 പോയിന്റുമായി നാലാമത് നിൽക്കുകയാണ്. ക്രിസ്റ്റൽ പാലസ് 21 പോയിന്റുമായി അഞ്ചാം സ്ഥാനത്താണ്.
