ബിസ്ല പരിശീലകനായ ശേഷം ലീഡ്സ് യുണൈറ്റഡ് ആദ്യമായി പരാജയം അറിഞ്ഞു. ഇന്ന് ചാമ്പ്യൻഷിപ്പിൽ ബർമിങ്ഹാം സിറ്റിയാണ് ബിസ്ലയ്ക്കും സംഘത്തിനും പരാജയം നൽകിയത്. ഒന്നിനെതിരെ രണ്ടു ഗോളുകൾക്കായിരുന്നു ലീഡ്സിന്റെ തോൽവി. ആദ്യ 29 മിനുട്ടിനിടെ രണ്ടു ഗോളുകൾ നേടി ആഡംസ് ആണ് ബർമിങ്ഹാമിന് ജയത്തിനുള്ള വകുപ്പ് നൽകിയത്.
ബർമിങ്ഹാം ലീഡ്സിന് കൂടുതൽ അവസരങ്ങൾ നൽകിയില്ല. കളിയുടെ അവസാന നിമിഷങ്ങളിൽ അലൊയോസ്കി ഒരു ഗോൾ മടക്കിയെങ്കിലും അത് മതിയായിരുന്നില്ല ബർമിംഹാം ജയം തടയാൻ. ലീഡ്സിന്റെ ലീഗിലെ ആദ്യ പരാജയമാണ് ഇതെങ്കിൽ ബർമിങ്ഹാമിന്റെ ആദ്യ ജയമാണിത്. തോറ്റെങ്കിലും ലീഡ്സ് തന്നെയാണ് ഇപ്പോഴും ലീഗിൽ ഒന്നാമത്.
