ചാമ്പ്യൻസ് ലീഗിൽ 2 ടീമിനെ വച്ച് റയലിനെ ബെർണബോയിൽ തോൽപ്പിക്കുന്ന ആദ്യ പരിശീലകൻ ആയി പെപ്പ്

- Advertisement -

ചാമ്പ്യൻസ് ലീഗിൽ ഏറ്റവും കൂടുതൽ കിരീടങ്ങളും ജയങ്ങളും സ്വന്തമാക്കിയ റയൽ മാഡ്രിഡിനു എതിരെ അപൂർവ്വ റെക്കോർഡ് നേട്ടവും ആയി മാഞ്ചസ്റ്റർ സിറ്റിയുടെ സ്പാനിഷ് പരിശീലകൻ പെപ്പ് ഗാർഡിയോള. 2 വ്യത്യസ്ത ടീമുകളെ ഉപയോഗിച്ച് റയൽ മാഡ്രിഡിന്റെ സാന്റിയാഗോ ബെർണബോയിൽ ജയം നേടുന്ന ആദ്യ പരിശീലകൻ എന്ന നേട്ടം ആണ് ഗാർഡിയോളയെ തേടി എത്തിയത്. ഇന്ന് മാഞ്ചസ്റ്റർ സിറ്റി പിറകിൽ നിന്ന ശേഷം 2-1 നു ആണ് റയലിന് സ്വന്തം മൈതാനത്ത് ഷോക്ക് നൽകിയത്. കൂടാതെ പരിശീലകൻ ആയി ചാമ്പ്യൻസ് ലീഗ് നോക്ക് ഔട്ടിലെ 28 മത്തെ ജയവും, റയൽ മാഡ്രിഡിനു എതിരായ 10 മത്തെ ജയവും ആയി ഗാർഡിയോളക്ക് ഇത്.

മുമ്പ് ബാഴ്‍സലോണയുടെ പരിശീലകൻ ആയിരിക്കുമ്പോൾ 2010-11 സീസണിൽ ഹോസെ മൗറീന്യോയുടെ റയൽ മാഡ്രിഡിനെ ചാമ്പ്യൻസ് ലീഗ് സെമിഫൈനലിൽ ഗാർഡിയോള തോൽപ്പിച്ചിരുന്നു. ആ സീസണിൽ ബാഴ്‍സലോണ ചാമ്പ്യൻസ് ലീഗ് കിരീടം ഉയർത്തുകയും ചെയ്തു. ലാ ലീഗയിലും ബാഴ്‍സലോണ പരിശീലകൻ ആയി മികച്ച റെക്കോർഡ് ആണ് ബെർണബോയിൽ ഗാർഡിയോളക്ക് ഉള്ളത്. മുൻ ബയേൺ മ്യൂണിച്ച് പരിശീലകൻ ആയ ഒട്ടമർ ഹിറ്റ്സ്ഫീൽഡിനു ശേഷം റയൽ മാഡ്രിഡിന്റെ മൈതാനത്ത് 2 ചാമ്പ്യൻസ് ലീഗ് ജയങ്ങൾ നേടുന്ന ആദ്യ പരിശീലകൻ കൂടിയാണ് പെപ്പ് ഗാർഡിയോള.

Advertisement