ചാമ്പ്യൻസ് ലീഗിന് നാണക്കേടായി റഫറിയുടെ അബദ്ധം. മാഞ്ചസ്റ്റർ സിറ്റി – ശ്കതർ മത്സരത്തിനിടെയാണ് മാഞ്ചസ്റ്റർ സിറ്റിക്ക് അനുകൂലമായി പെനാൽറ്റി വിധിച്ച് റഫറി നാണക്കേടുണ്ടാക്കിയത്. മത്സരത്തിൽ 1-0ന് മാഞ്ചസ്റ്റർ സിറ്റി മുന്നിട്ടു നിൽക്കുന്ന സമയത്താണ് ശ്കതർ പോസ്റ്റിലേക്ക് മുന്നേറിയ സ്റ്റെർലിങ് ഗ്രൗണ്ടിൽ തട്ടി വീണത്. പക്ഷെ സ്റ്റെർലിങ്ങിന്റെ തൊട്ടടുത്തുണ്ടായിരുന്ന ശക്തർ താരം മാറ്റ്വെയ്ൻകോ സ്റ്റെർലിങ്ങിന്റെ ഫൗൾ ചെയ്തെന്ന് കരുതി റഫറി വിക്ടർ കസായി പെനാൽറ്റി വിധിക്കുകയായിരുന്നു. താരം സ്റ്റെർലിങ്ങിന്റെ ദേഹത്ത് തൊടുക പോലും ചെയ്തിരുന്നില്ല.
Unbelievable.
Manchester City were awarded a penalty after this effort from Raheem Sterling.#UCL #OptusSport pic.twitter.com/bZKmQrDrv7
— Optus Sport (@OptusSport) November 7, 2018
ശക്തർ താരങ്ങൾ പെനാൾക്കെതിരെ പ്രതികരിച്ചെങ്കിലും തന്റെ തീരുമാനം മാറ്റാൻ റഫറി തയ്യാറായിരുന്നില്ല. അതെ സമയം റഹിം സ്റ്റെർലിങ് പെനാൽറ്റിക്കായി വാദിച്ചിരുന്നില്ല എന്നതും റഫറിയുടെ ശ്രദ്ധയിൽ പെട്ടില്ല. റഹിം സ്റ്റെർലിങ് ആവട്ടെ റഫറിയുടെ തീരുമാനം തിരുത്താനും ശ്രമിച്ചില്ല. പെനാൽറ്റി എടുത്ത മാഞ്ചസ്റ്റർ സിറ്റി താരം ഗബ്രിയേൽ ജെസൂസ് ഗോൾ നേടുകയും സിറ്റിക്ക് 2-0ന്റെ ലീഡും നേടികൊടുക്കുകയും ചെയ്തു.
മത്സരത്തിൽ ഏകപക്ഷീയമായ 6 ഗോളുകൾക്ക് മാഞ്ചസ്റ്റർ സിറ്റി വിജയിച്ചിരുന്നു.
