യുവേഫ ചാമ്പ്യൻസ് ലീഗിൽ നോക്കൗയ്റ്റ് റൗണ്ട് പ്രവേശനം ഉറപ്പിച്ച് റയൽ മാഡ്രിഡ്. ഇന്നലെ മാഡ്രിഡിൽ വച്ച് പോർച്ചുഗീസ് ക്ലബ്ബായ സ്പോർട്ടിംഗ് ബ്രാഗയെ നേരിട്ട റയൽ എതിരില്ലാത്ത മൂന്നു ഗോളുകൾക്ക് വിജയിച്ചു. തികച്ചും ഏകപക്ഷീയമായിരുന്നു മത്സരം, എങ്കിലും തുടക്കത്തിൽ തന്നെ സ്പോർട്ടിംഗ് ബ്രാഗയ്ക്ക് മുന്നിലെത്താനുള്ള അവസരം ഉണ്ടായിരുന്നു. ആറാം മിനിറ്റിൽ അവർക്ക് ലഭിച്ച പെനാൽറ്റി പക്ഷേ ലക്ഷ്യത്തിൽ എത്തിക്കാൻ അവരുടെ സ്പാനിഷ് താരം ആൽവാരോ ഡിയാലോക്ക് ആയില്ല.
പിന്നീട് മികച്ച രീതിയിൽ കളിച്ച റയൽ മാഡ്രിഡ് 28ആം മിനിറ്റിൽ ഇബ്രാഹിം ഡിയസിയുടെ ലീഡ് എടുത്തു. രണ്ടാം പകുതിയിൽ 58ആം മിനിറ്റിൽ വിനീഷ്യസ് ജൂനിയർ റയൽ മാഡ്രിഡിന്റെ ലീഡ് ഇരട്ടിയാക്കി. മൂന്നു മിനിറ്റുകൾ കഴിഞ്ഞ് റോഡ്രിഗോ കൂടെ ഗോൾ നേടിയതോടെ അവർ വിജയം ഉറപ്പിച്ചു. വിനീഷ്യസ് ജൂനിയർ ആയിരുന്നു ഈ അസിസ്റ്റ് ഒരുക്കിയത്. ഈ വിജയത്തോടെ നാലു മത്സരങ്ങളിൽ നിന്ന് റയൽ മാഡ്രിഡിന് 12 പോയിന്റ് ആയി. ആകെ ഒരു വിജയം മാത്രമുള്ള ബ്രാഗയ്ക്ക് മൂന്നു പോയിൻറ് മാത്രമാണ് ഉള്ളത്.
