യുവേഫ ചാമ്പ്യൻസ് ലീഗ് പ്രീ ക്വാർട്ടർ പോരാട്ടങ്ങൾ ഇന്ന് മുതൽ ആരംഭിക്കും. ഇന്ന് രണ്ട് മത്സരങ്ങൾ ആണ് നടക്കുന്നത്. ഡെന്മാർക്കിൽ നടക്കുന്ന മത്സരത്തിൽ എഫ് സി കോപൻ ഹേഗൻ നിലവിലെ ചാമ്പ്യന്മാരായ മാഞ്ചസ്റ്റർ സിറ്റിയെ നേരിടും. ആദ്യ പാദത്തിൽ സിറ്റിയെ തടയാൻ ആകും എന്ന പ്രതീക്ഷയിലാണ് കോപൻ ഹേഗൻ. എന്നാൽ മാഞ്ചസ്റ്റർ സിറ്റി ഇപ്പോൾ മികച്ച ഫോമിലാണ്.
തുടർച്ചയായ 10 വിജയങ്ങളുമായാണ് പെപ് ഗ്വാർഡിയോളയുടെ ടീം വരുന്നത്. എർലിംഗ് ഹാളണ്ട് കൂടെ തിരികെ എത്തിയതിനാൽ സിറ്റി ഇപ്പോൾ അവരുടെ പൂർണ്ണ കരുത്തിൽ എത്തിയിരിക്കുകയാണ്.
ഇന്ന് നടക്കുന്ന മറ്റൊരു മത്സരത്തിൽ ലെപ്സിഗും റയൽ മാഡ്രിഡും തമ്മിൽ ഏറ്റുമുട്ടും. ജർമ്മനിയിൽ വെച്ചാകും മത്സരം. ഈ സീസൺ അപാര ഫോമിൽ ആണ് റയൽ മാഡ്രിഡ്. എന്നാൽ അവർക്ക് ഒപ്പം അവരുടെ പ്രധാന താരമായ ജൂഡ് ബെല്ലിങ്ഹാം ഇന്ന് ഉണ്ടാകില്ല. രാത്രി 1.30നാണ് രണ്ട് മത്സരങ്ങളും നടക്കുക. കളി സോണി നെറ്റ്വർക്കിലും സോണി ലൈവിലും തത്സമയം കാണാം.