ഹാരി കെയ്നിന്റെ ഇരട്ട ഗോളുകൾ ഇന്ന് ടോട്ടൻഹാമിന് ജയം മാത്രമല്ല നൽകിയത്. ഒപ്പം നോക്കൗട്ടിലേക്ക് കടക്കാനാകുമെന്ന പ്രതീക്ഷ കൂടിയാണ്. ഇന്ന് പി എസ് വി ഐന്തോവനെ നേരിട്ട ടോട്ടൻഹാം ഒരു ഗോളിന് പിറകിൽ നിന്ന ശേഷം 2-1ന് വിജയിക്കുകയായിരുന്നു. ടോട്ടൻഹാമിന്റെ ഗ്രൂപ്പിലെ ആദ്യ വിജയം കൂടിയാണിത്.
കളി തുടങ്ങി രണ്ടാം മിനുട്ടിൽ തന്നെ ക്യാപ്റ്റൻ ഡിയോങിലൂടെ പി എസ് വി മുന്നിൽ എത്തിയിരുന്നു. ഹോളണ്ടിൽ വെച്ച് ഏറ്റുമുട്ടിയപ്പോഴുൻ ഡി യോങ് സ്പർസിന്റെ വല കുലുക്കിയിരുന്നു. ആ ഗോളിന് ഒരു മറുപടി ഗോൾ പിറന്നത് രണ്ടാം പകുതിയിൽ ആയിരുന്നു. 78ആം മിനുട്ടിൽ ഒരു ഹാരി കെയ്ൻ ഫിനിഷ് സമനിലയും, 89ആം മിനുട്ടിൽ ആ ബൂട്ടുകൾ സ്പർസിന് വിജയവും നൽകി.
സ്പർസിന് നാലു മത്സരങ്ങളിൽ നിന്ന് നാലു പോയന്റ് മാത്രമാണ് ഉള്ളത്. 10 പോയന്റുള്ള ബാഴ്സലോണയും 7 പോയന്റുള്ള ഇന്റർ മിലാനുമാണ് മുന്നിൽ ഉള്ളത്.
