സാൻ സിറോയിൽ എസി മിലാനെതിരെ 3-1ന് വിജയിച്ച് ലിവർപൂൾ തങ്ങളുടെ യുവേഫ ചാമ്പ്യൻസ് ലീഗ് കാമ്പെയ്ൻ ആരംഭിച്ചു. ഇബ്രാഹിമ കൊണാറ്റെ, വിർജിൽ വാൻ ദൈക്, ഡൊമിനിക് സോബോസ്‌ലായ് എന്നിവരുടെ ഗോളുകൾ റെഡ്സിനെ മിലാനെ മറികടക്കാൻ സഹായിച്ചു.
ക്രിസ്റ്റ്യൻ പുലിസിക് മൂന്നാം മിനിറ്റിനുള്ളിൽ തന്നെ ഇന്ന് എസി മിലാന് ലീഡ് നൽകി. അമേരിക്കൻ വിംഗർ ലിവർപൂളിൻ്റെ പ്രതിരോധം ഭേദിക്കുകയും ഗോൾകീപ്പർ അലിസണിനെ ഒരു ലോ കോർണർ ഷോട്ടിലൂടെ കീഴ്പ്പെടുത്തുക ആയിരുന്നു. അൽവാരോ മൊറാറ്റയുടെ അസിസ്റ്റിൽ നിന്നായിരുന്നു പുലിസിച്ചിൻ്റെ ഗോൾ.
എന്നിരുന്നാലും, ലിവർപൂൾ പെട്ടെന്ന് പ്രതികരിച്ചു. 23-ാം മിനിറ്റിൽ ഇബ്രാഹിമ കൊണാറ്റെ അവർക്കായി സമനില പിടിച്ചു. ട്രെൻ്റ് അലക്‌സാണ്ടർ-അർനോൾഡ് ബോക്‌സിലേക്ക് ഒരു കൃത്യമായ ഫ്രീ-കിക്ക് നൽകി, കോണാറ്റെ മിലാൻ്റെ ഡിഫൻഡർമാരെക്കാൾ ഉയർന്ന് പന്ത് ഫാർ കോർണറിലേക്ക് ഹെഡ് ചെയ്‌ത് റെഡ്സിനെ ഒപ്പമെത്തിച്ചു.
ലിവർപൂൾ അവരുടെ ആധിപത്യം തുടർന്നു, പകുതി സമയത്തിന് തൊട്ടുമുമ്പ്, വിർജിൽ വാൻ ഡൈക് അവരെ 2-1 ന് എത്തിച്ചു. കോസ്റ്റാസ് സിമിക്കാസ് എടുത്ത ഒരു കോർണറിൽ , വാൻ ദൈക് ക്ലോസ് റേഞ്ചിൽ നിന്ന് ഹെഡ്ഡറിലൂടെ വലയിൽ എത്തിച്ചു.
രണ്ടാം പകുതിയിൽ 67-ാം മിനിറ്റിൽ ഡൊമിനിക് സോബോസ്‌ലായ് ലിവർപൂളിന്റെ ലീഡ് ഉയർത്തി. കോഡി ഗാക്‌പോ ഇടത് വശത്തുകൂടെ കുതിച്ച് നൽകിയ അസിസ്റ്റിലൂടെ ആയിരുന്നു ഈ ഗോൾ.
