പോർട്ടോയെ സമനിലയിൽ തളച്ച് ഷാൽകെ

- Advertisement -

ചാമ്പ്യൻസ് ലീഗിലെ ആദ്യ മത്സരത്തിൽ സമനിലയിൽ പിരിഞ്ഞ് പോർട്ടോയും ഷാൽകെയും. ഓരോ ഗോൾ വീതമടിച്ചാണ് ഇരു ടീമുകളും പിരിഞ്ഞത്. ജർമ്മനിയിലെ മോശം പ്രകടനത്തിന്റെ തുടർച്ചയായിരുന്നു ഡൊമിനിക്ക് ട്രേഡ്‌സ്‌കോയുടെ ഷാൽകെയുടെ പ്രകടനം . എന്നാൽ രണ്ടു പെനാൽറ്റി ലഭിച്ച പോർട്ടോയെ സമനിലയിൽ കുടുക്കിയ ഷാൽകെയ്ക്ക് മത്സരഫലം ആശ്വാസമാണ്.

ക്യാപ്റ്റൻ റാൽഫ് ഫർമാന്റെ മികച്ച സേവാണ് മത്സരത്തിൽ റോയൽ ബ്ലൂസിനു തുണയായത്. ചാമ്പ്യൻസ് ലീഗിലെ അരങ്ങേറ്റ മത്സരത്തിൽ വെസ്റ്റൻ മക്കെന്നെയുടെ അസിസ്റ്റിൽ ബ്രീൽ എംബോലോയാണ് ഷാൽകെയുടെ ഗോളടിച്ചത്. അലക്സ് ടെലിസിന്റെ പെനാൽറ്റി സേവ് ചെയ്തതിനു ശേഷമാണ് കൗണ്ടർ അറ്റാക്കിൽ ഗോൾ വീഴുന്നത്. എന്നാൽ രണ്ടാം പെനാൽറ്റി എടുത്ത ഒട്ടാവിയോയ്ക്ക് പിഴച്ചില്ല. പോർട്ടോ സമനില നേടി.

 

Advertisement