ജർമ്മനിയിൽ തങ്ങളെ തോല്പ്പിച്ചതിനുള്ള മറുപടി അത്ലറ്റിക്കോ മാഡ്രിഡ് ഇന്ന് ഡോർട്മുണ്ടിന് കൊടുത്തു. ഗ്രൂപ്പിലെ നാലാം മത്സരത്തിൽ എതിരില്ലാത്ത രണ്ടു ഗോളുകൾക്കാണ് അത്ലറ്റിക്കോ മാഡ്രിഡ് ഡോർട്മുണ്ടിനെ തോൽപ്പിച്ചത്. മികച്ച ഫോമിൽ ഉള്ള ഡോർട്മുണ്ടിനെയാണ് അത്ലിറ്റിക്കോ ഇന്ന് തോൽപ്പിച്ചിരിക്കുന്നത്.
ആദ്യ പകുതിയിൽ സോളും രണ്ടാം പകുതിയിൽ ഗ്രീസ്മെനുമാണ് അത്ലറ്റിക്കോക്കായി ഇന്ന് ഗോൾ നേടിയത്. ഈ ജയം അത്ലറ്റിക്കോ മാഡ്രിഡിനെ പോയന്റിൽ ഡോർട്മുണ്ടിനൊപ്പം എത്തിച്ചു. ഗോൾഡിഫറൻസിൽ മാത്രമാണ് ഇപ്പോൾ അത്ലറ്റിക്കോ മാഡ്രിഡ് രണ്ടാം സ്ഥാനത്ത് നിൽക്കുന്നത്. ജർമ്മനിയിൽ വെച്ച് ഇരുവരും ഏറ്റുമുട്ടിയപ്പോൾ നാലു ഗോളുകൾക്ക് ഡോർട്മുണ്ട് വിജയിച്ചിരു‌ന്നു.
അത്ലറ്റിക്കോ മാഡ്രിഡ് വിജയിച്ചതോടെ ഗ്രൂപ്പിൽ അവസാനമുള്ള മൊണാക്കോ നോക്കൗട്ടിൽ എത്തില്ല എന്ന് ഉറപ്പായി.
