സ്കോട്ടിഷീഗ് കിരീടം ഒരിക്കൽ കൂടെ സെൽറ്റിക് സ്വന്തമാക്കി. ഇന്ന് ടൈനെകാസിൽ നടന്ന ഹാർട്ട്‌സിനെതിരായ 2-0 വിജയം ആംഗെ പോസ്റ്റെകോഗ്ലോയ്‌ക്ക് കീഴിൽ ബാക്ക്-ടു-ബാക്ക് പ്രീമിയർഷിപ്പ് കിരീടങ്ങൾ അവർക്ക് ഉറപ്പിച്ചു കൊടുത്തു.
34 ലീഗ് ഗെയിമുകളിൽ 31 എണ്ണം ജയിക്കുകയും രണ്ടിൽ സമനില വഴങ്ങുകയും ഒരെണ്ണം മാത്രം തോൽക്കുകയും ചെയ്താണ് ഇത്തവണ സെൽറ്റിക് കിരീടത്തിലേക്ക് വന്നത്. ഈ സീസണിൽ സെൽറ്റിക് 105 ഗോളുകൾ നേടി, വഴങ്ങിയത് 25 ഗോളുകൾ മാത്രമാണ്
ഈ സീസണിൽ ഇതിനകം ലീഗ് കപ്പ് നേടിയ സെൽറ്റിക്കിന് ഇത് അവിശ്വസനീയമായ നേട്ടമാണ്, കൂടാതെ അടുത്ത മാസം നടക്കുന്ന സ്കോട്ടിഷ് കപ്പിന്റെ ഫൈനലിലും അവർ ഇടം പിടിച്ചിട്ടുണ്ട്. ഇനിയും നാല് ലീഗ് ഗെയിമുകൾ സെൽറ്റികിന് ഈ സീസണിൽ ശേഷിക്കുന്നുണ്ട്. ക്ലബിന്റെ ചരിത്രത്തിലെ 53-ാമത്തെ ലീഗ് കിരീടമാണിത്‌.
