ബയേൺ മ്യൂണിക്ക് പ്രസിഡന്റ് സ്ഥാനമൊഴിഞ്ഞു

- Advertisement -

ബുണ്ടസ് ലീഗ ചാമ്പ്യന്മാരായ ബയേൺ മ്യൂണിക്കിൽ നേതൃമാറ്റം. ബയേൺ പ്രസിഡന്റ് ഊലി ഹോനസ് സ്ഥാനമൊഴിഞ്ഞു. വീണ്ടും പ്രസിഡന്റ് സ്ഥാനത്തേക്ക് മത്സരിക്കാൻ ഇല്ലെന്ന് മുൻപ് തന്നെ അദ്ദേഹം പ്രഖ്യാപിച്ചിരുന്നു. തനിക്ക് പകരക്കാരനായി ഹോനസ് മുൻ അഡിഡാസ് മേധാവിയായ ഹെർബർട്ട് ഹെയ്നറിനെയാണ് നിർദ്ദേശിച്ചിരുന്നത്. ബയേൺ ബോർഡും ഹെയ്നറിനെ തിരഞ്ഞെടുത്തു.

ബയേൺ CEO ആയി ജർമ്മൻ ലെജന്റ് ഒളിവർ കാനും ബയേൺ ബോർഡിലേക്കെത്തും. കാൾ ഹെയിൻസ് റെമെനിഗയ്ക്ക് പകരക്കാരനായാണ് അദ്ദേഹം ടീമിലെത്തുക. ബയേണിനെ യൂറോപ്പിലെ വമ്പൻ ശക്തികളായി വളർത്തിക്കൊണ്ടുവന്നതിൽ ഹോനസിന്റെ പങ്ക് വലുതാണ്. 9 വർഷത്തോളം ബയേണിന്റെ താരമായിരുന്ന ഹോനസ് ലോകകപ്പ് ഉയർത്തിയ ജർമ്മൻ ടീമിലും അംഗമായിരുന്നു. 1979 നു ശേഷം റിട്ടയർമെന്റിന് ശേഷം ബയേണിന്റെ ജനറൽ മാനേജറായും പിന്നീട് പ്രസിഡന്റായും ചുമതലയേറ്റു.

Advertisement