ബുണ്ടസ് ലീഗയിൽ ആർ ബി ലെപ്സിഗിന് തകർപ്പൻ ജയം. എതിരില്ലാത്ത രണ്ടു ഗോളുകൾക്കാണ് ബൊറൂസിയ മോഷൻ ഗ്ലാഡ്ബാക്കിനെ പരാജയപ്പെടുത്തിയത്. ഇരട്ട ഗോളുകളുമായി ജർമ്മൻ യുവതാരം തിമോ വെർണർ ആണ് ലെപ്സിഗിന്റെ വിജയത്തിന് ചുക്കാൻ പിടിച്ചത്. ബുണ്ടസ് ലീഗയിൽ ഈ സീസണിൽ പരാജയമറിയാതെ കുതിക്കുകയാണ് ലെപ്സിഗ്.
ഹോമിലെ മികച്ച പ്രകടനം ഈ സീസണിൽ തുടരുകയാണ് ലെപ്സിഗ്. തുടക്കത്തിൽ തന്നെ ആക്രമിച്ച് കളിച്ച ലെപ്സിഗ് ഗ്ലാഡ്ബാക്ക് പ്രതിരോധത്തെ നിഷ്പ്രഭമാക്കി. മൂന്നാം മിനുട്ടിൽ ഗോളടിച്ച് വെർണർ ഈ സീസണിലെ ഗോളുകളുടെ എണ്ണം എട്ടായി ഉയർത്തി. ഇതോടെ ആദ്യ പത്ത് മിനിറ്റുകളിൽ റാൽഫ് രാഗ്നിക്കിന്റെ ലെപ്സിഗ് നേടുന്ന ഗോളുകളുടെ എണ്ണം ആറായി. ഈ വിജയത്തോടു കൂടി 25 പോയിന്റുമായി ഗ്ലാഡ്ബാക്കിനു പിറകിലായി മൂന്നാം സ്ഥാനത്തെത്തി ലെപ്സിഗ്. 26 പോയന്റാണ് രണ്ടാമതുള്ള ഗ്ലാഡ്ബാക്കിന്.