കഴിഞ്ഞ ദിവസം വന്ന ട്രാൻസ്ഫർ അഭ്യൂഹങ്ങൾക്ക് വിരാമമിട്ട് ഫബ്രിസിയോ റൊമാനോ. മാഞ്ചസ്റ്റർ യുണൈറ്റഡ് നായകൻ ബ്രൂണോ ഫെർണാണ്ടസ് സൗദി അറേബ്യൻ ക്ലബായ അൽ നസറുമായി ചർച്ചയിലല്ലെന്ന് അദ്ദേഹം വ്യക്തമാക്കി. സൗദി ക്ലബിന് ബ്രൂണോയിൽ താല്പര്യമുണ്ടെന്ന് റിപ്പോർട്ടുകൾ വന്നിരുന്നെങ്കിലും, ഫെർണാണ്ടസും അൽ നസറുമായി ഒരു ചർച്ചയും നടക്കുന്നില്ലെന്ന് ഫുട്ബോൾ ഇൻസൈഡറായ ഫാബ്രിസിയോ റൊമാനോയും പറയുന്നു.
പോർച്ചുഗീസ് മിഡ്ഫീൽഡർ പരിശീലകൻ റൂബൻ അമോറിമിന് കീഴിൽ 2025-26 സീസണിൽ മാഞ്ചസ്റ്റർ യുണൈറ്റഡിനെ നയിക്കാൻ പൂർണ്ണമായും തയ്യാറെടുക്കുകയാണ്. ഈ വേനൽക്കാലത്ത് സൗദി പ്രോ ലീഗിലെ മറ്റൊരു പ്രമുഖ ക്ലബായ അൽ ഹിലാലിൽ നിന്ന് ലഭിച്ച വലിയ ഓഫർ ബ്രൂണോ ഫെർണാണ്ടസ് നിരസിച്ചിരുന്നു. യുണൈറ്റഡിന് വലിയ തുകയും താരത്തിന് ഉയർന്ന ശമ്പളവും നൽകാൻ അവർ തയ്യാറായിരുന്നു. എന്നാൽ, ഫെർണാണ്ടസ് ഈ നീക്കം വേണ്ടെന്ന് വെച്ച് പരസ്യമായി സംസാരിച്ചു.
ഉയർന്ന തലത്തിൽ മത്സരിക്കാനുള്ള തന്റെ ആഗ്രഹവും മാഞ്ചസ്റ്റർ യുണൈറ്റഡിന്റെ നിലവിലെ പദ്ധതിയിലുള്ള തന്റെ താല്പര്യവുമാണ് ഈ തീരുമാനത്തിന് കാരണമെന്ന് അദ്ദേഹം ഊന്നിപ്പറഞ്ഞു. യുണൈറ്റഡിന് നിരാശാജനകമായ ഒരു സീസണായിരുന്നു കഴിഞ്ഞുപോയതെങ്കിലും, ടീമിനെ പഴയ പ്രതാപത്തിലേക്ക് തിരികെ കൊണ്ടുവരാൻ സഹായിക്കാൻ താരം പ്രതിജ്ഞാബദ്ധനാണെന്ന് നിരവധി ഔട്ട്ലെറ്റുകൾ റിപ്പോർട്ട് ചെയ്യുന്നു.
