ലിയനാർഡോ ബൊണൂച്ചി ഇനി ടീമിന്റെ ഭാഗമല്ല എന്ന് അറിയിച്ച് യുവന്റസ്. അദ്ദേഹം ഇനി ടീമിന്റെ പ്രീ-സീസൺ ടൂറിൽ പോലും ഉണ്ടായിരിക്കില്ല എന്നാണ് ക്ലബ് അറിയിച്ചത്. ക്രിസ്റ്റ്യാനോ ജിയൂന്റോലി ബോണൂച്ചിയെ വ്യക്തിപരമായി തന്നെ ഈ തീരുമാനം അറിയിച്ചിട്ടുണ്ട്. യുവന്റസ് കളിക്കാരനായി പോലും ബൊണൂചിയെ രജിസ്റ്റർ ചെയ്യില്ലം അതുകൊണ്ട് തന്നെ ടീമിനൊപ്പം പരിശീലനത്തിൽ പങ്കെടുക്കാനും അദ്ദേഹത്തിന് ആകില്ല.
2024 ജൂൺ വരെ നീളുന്ന കരാർ ബൊണൂചിക്ക് യുവന്റസിൽ ഉണ്ടെങ്കിലും ഇനി മറ്റൊരു ക്ലബ് കണ്ടെത്താനോ അല്ലെങ്കിൽ വിരമിക്കൽ പ്രഖ്യാപിക്കുകയോ വേണ്ടി വരും. യുവന്റസ് ക്യാപ്റ്റൻ കൂടിയായിരുന്ന 36കാരൻ പുതിയ ക്ലബ് തേടാൻ ആണ് സാധ്യത. ബൊണൂചിയെ മാത്രമല്ല വെസ്റ്റൺ മക്കെന്നി, ആർതർ മെലോ എന്നിവരെയും ടീമിൽ നിന്ന് ഒഴിവാക്കാൻ യുവന്റസ് തീരുമാനിച്ചിട്ടുണ്ട്. ഇനി ഡാനിലോ ആകും യുവന്റസിന്റെ ക്യാപ്റ്റൻ.
